سلطان کا ہیلمٹ یا شاہی خزانہ؟ عثمانی دور کی حیرت انگیز کاریگری

سلطنتِ عثمانیہ کے دور میں شاہی شان و شوکت صرف تاج تک محدود نہیں تھی، بلکہ ایک ہیلمٹ بھی اپنی خوبصورتی اور نفاست میں تاج کا مقابلہ کرسکتا تھا۔

سلطان سلیمان اعظم سے منسوب سولہویں صدی کا یہ تاریخی ہیلمٹ آج استنبول کے توپ قاپی محل میں محفوظ ہے۔ اس شاہکار میں سیاہ رنگ کی دھات پر سونے کی باریک نقش و نگاری کی گئی ہے، جبکہ فیروزی پتھروں اور یاقوت جیسے قیمتی جواہرات نے اس کی خوبصورتی کو مزید نمایاں کیا ہے۔

یہ بھی پڑھیں :فطرت کا ایسا مزاحیہ روپ پہلے شاید نہ دیکھا ہو، وائلڈ لائف ایوارڈز کی تصاویر جاری

اس ہیلمٹ کی خاص بات اس کا گردن کو ڈھانپنے والا حصہ بھی ہے، جس پر سونے کے بنے ہوئے خوبصورت گلِ لالہ جڑے ہوئے ہیں۔ یہ نفیس آرائش عثمانی شاہی کاریگروں کی غیر معمولی مہارت اور اس دور کے فن و ثقافت کی عکاسی کرتی ہے۔ یہ محض جنگ میں استعمال ہونے والا حفاظتی سامان نہیں، بلکہ عثمانی سلطنت کی دولت، شاہی وقار اور فنکارانہ عظمت کی ایک نادر مثال ہے۔