ملائیشیا ایئرپورٹ پر استقبال کے دوران ڈونلڈ ٹرمپ کا رقص،ویڈیو وائرل

امریکی صدر ڈونلڈ ٹرمپ نے ملائیشیا کے کوالالمپور ایئرپورٹ پر استقبال کے دوران ڈھول کی دھن پر رقص کیا۔

غیر ملکی میڈیاکے مطابق ڈونلڈ ٹرمپ 23 گھنٹے کی طویل پرواز کے بعد کوالالمپور پہنچے جہاں ان کا والہانہ استقبال کیا گیا۔

اس موقع پر ملیشین صدر انور ابراہیم اور دیگر اعلیٰ حکام بھی موجود تھے استقبال کے دوران روایتی ملیشین رقص پیش کیا گیا جس میں امریکی صدر نے بھی حصہ لیا۔

WELCOME DANCE: President Trump shows off his moves after exiting Air Force One in Malaysia. pic.twitter.com/PTcJlGjwKC

— Fox News (@FoxNews) October 26, 2025

اس دوران وزیر اعظم انور ابراہیم تالیاں بجاتے رہے ڈونلڈ ٹرمپ کی رقص کرتی ویڈیو سوشل میڈیا پر تیزی سے وائرل ہو گئی۔

واضح رہے کہ صدر ٹرمپ کا یہ دورہ ایسٹ ایشین سمٹ (آسان) میں شرکت کے لیے ہے جہاں وہ علاقائی تعاون اور سفارتی تعلقات کو فروغ دیں گے۔

سمٹ کے دوران ان کی چین کے صدر شی جن پنگ سے بھی ملاقات متوقع ہے قبل ازیں ٹرمپ نے کہا تھا کہ وہ ملائیشیا جائیں گے تاکہ کمبوڈیا اور تھائی لینڈ کے درمیان امن معاہدے پر دستخط کیے جائیں۔