وزیراعظم شہباز شریف کی ریاض پر حوثی حملے کی مذمت، سعودی خودمختاری کے تحفظ کا عزم

وزیراعظم شہبازشریف نے ریاض کے کنگ خالد انٹرنیشنل ایئرپورٹ پر حوثی ملیشیا کے حملے کی شدید الفاظ میں مذمت کرتے ہوئے حملے میں جاں بحق افراد کے لواحقین سے دلی تعزیت کا اظہار اور زخمیوں کی صحتیابی کیلئے دعا کی ہے۔

تفصیلات کے مطابق ایک بیان میں وزیراعظم  نے کہا کہ  شہریوں اور اہم تنصیبات کو نشانہ بنانا کسی صورت قابل قبول نہیں، ایسے پرتشدد اقدامات علاقائی امن و استحکام کے لیے سنگین خطرہ ہیں۔

انہوں  نے کہا کہ بین الاقوامی قانون کی صریح خلاف ورزی کرنے والے حملے فوری بند کیے جائیں۔

I strongly condemn the heinous attack by the Houthi militia on King Khalid International Airport in Riyadh. We extend our deepest condolences to the bereaved families and pray for the swift and full recovery of the injured.

Attacks targeting civilians and critical infrastructure are completely unacceptable and constitute a serious threat to regional peace and stability. Such acts of violence, which are a flagrant violation of international law, must cease immediately.

Pakistan stands in unwavering solidarity with the Kingdom of Saudi Arabia, its leadership and brotherly people. In accordance with the Makkah Joint Defence Agreement and the enduring bonds of brotherhood between our two countries, we reaffirm our steadfast commitment to Saudi Arabia’s sovereignty, territorial integrity and security.

— Shehbaz Sharif (@CMShehbaz) October 11, 2026

وزیراعظم شہباز شریف نے مکہ مشترکہ دفاعی معاہدے کے تحت سعودی عرب کی حمایت کے عزم کا اعادہ کرتے ہوئے  کہا کہ سعودی عرب کی خودمختاری،علاقائی سالمیت اور سلامتی کے تحفظ کے عزم پر قائم ہیں۔

انہوں نے کہا کہ پاکستان اور سعودی عرب کے درمیان برادرانہ تعلقات اور دیرینہ وابستگی مزید مستحکم ہے۔

پاکستان دفتر خارجہ کی مذمت

دریں اثنا پاکستانی دفتر خارجہ سے جاری بیان کے مطابق پاکستان ریاض میں شاہ خالد ائیرپورٹ پر حوثیوں کے تازہ ترین دہشت گرد حملے کی شدید مذمت کرتا ہے، شہری ہوائی اڈے کو نشانہ بنانا دہشت گردی کی ایک گھناؤنی کارروائی ہے۔

وزارت خارجہ سے جاری بیان کے مطابق یہ حملہ بین الاقوامی قوانین کی کھلی خلاف ورزی اور علاقائی امن و سلامتی کے لیے سنگین خطرہ ہے، حملے کے نتیجے میں جانی نقصان پر گہری تشویش کا اظہار ہے۔

یہ بھی پڑھیں :پاکستان ہر خطرے میں سعودی عرب کے شانہ بشانہ کھڑا رہے گا ، وزیرِ اعظم شہباز شریف

بیان میں مزید کہا گیا کہ ہماری دعائیں متاثرین اور ان کے اہل خانہ کے ساتھ ہیں، حوثیوں کی جانب سے شہری آبادی اور انفراسٹرکچر کو مسلسل نشانہ بنانا مکمل طور پر ناقابلِ قبول ہے،  عالمی برادری کو ایسے اقدامات کی غیر مشروط مذمت کرنی چاہئے، پاکستان سعودی عرب کی قیادت اور عوام کے ساتھ غیر متزلزل یکجہتی کا اظہار کرتا ہے۔

دفتر خارجہ کی جانب سے کہا گیا ہے کہ سعودی عرب اپنی سرزمین کے اور عوام کے تحفظ کی دفاع کا حق رکھتا ہے، پاکستان حوثی ملیشیا سے مطالبہ کرتا ہے کہ وہ اپنے دہشت گرد حملے فوری طور پر بند کرے۔

ترجمان دفتر خارجہ نے واضح کیا کہ پاکستان سعودی عرب کی خودمختاری، سلامتی اور دفاع کے لیے اپنے پختہ عزم کے ساتھ مملکت کے شانہ بشانہ کھڑا رہے گا۔

🔊PR No.2️⃣8️⃣4️⃣/2️⃣0️⃣2️⃣6️⃣

Pakistan Strongly Condemns the Latest Terrorist Attack by the Houthi Militia Targeting King Khaled International Airport, Riyadh

🔗⬇️ https://t.co/rvMZkHLhp8

— Ministry of Foreign Affairs – Pakistan (@ForeignOfficePk) October 11, 2026

واضح رہے کہ یمن کی حوثی ملیشیا نے ریاض کے کنگ خالد ایئرپورٹ اور دمام ایئرپورٹ پر حملہ کیا ہے جس میں کم از کم 12 افراد جاں بحق جبکہ 300 سے زائد افراد زخمی ہوئے ہیں ۔