نانگا پربت کے مشہور سیاحتی مقام فیری میڈو جانے والے سیاحوں کو اس وقت المناک حادثے کا سامنا کرنا پڑا جب ان کی گاڑی راستے میں حادثے کا شکار ہو گئی، جس کے نتیجے میں 7 افراد جان کی بازی ہار گئے۔
ریسکیو ذرائع کے مطابق حادثہ دشوار گزار پہاڑی سڑک پر پیش آیا۔ اطلاع ملتے ہی امدادی ٹیمیں فوری طور پر جائے وقوعہ پر پہنچ گئیں اور متاثرہ افراد کو نکالنے کے لیے کارروائیاں شروع کر دیں۔
ابتدائی اطلاعات کے مطابق جاں بحق ہونے والوں میں دو سیاحوں کی شناخت سجاد اور علی کے نام سے ہوئی ہے، جبکہ دیگر افراد کی شناخت کا عمل جاری ہے۔ حکام کی جانب سے حادثے کی وجوہات معلوم کرنے کے لیے تحقیقات کا آغاز کر دیا گیا ہے۔
مقامی انتظامیہ نے حادثے پر گہرے دکھ اور افسوس کا اظہار کرتے ہوئے متعلقہ اداروں کو زخمیوں اور متاثرہ خاندانوں کو ہر ممکن سہولت فراہم کرنے کی ہدایت کی ہے۔
واضح رہے کہ فیری میڈو ملک کے معروف سیاحتی مقامات میں شمار ہوتا ہے، جہاں ہر سال بڑی تعداد میں ملکی اور غیر ملکی سیاح قدرتی حسن سے لطف اندوز ہونے کے لیے آتے ہیں۔
By 
