میں نے جو کچھ کیا ماہ رنگ کے احکامات پر کیا، سپاہی شبیر احمد شہید پر پتھراؤ کرنے والے ملزم صبغت اللہ نے رحم کی اپیل کر دی

گوادر اور بلوچستان کے دیگر علاقوں میں بدامنی، ہنگامہ آرائی اور سیکیورٹی فورسز پر حملوں کے مقدمات میں روز بروز نئے اور سنسنی خیز انکشافات سامنے آ رہے ہیں۔

تازہ ترین پیش رفت کے مطابق گوادر احتجاج کے دوران سیکیورٹی فورسز کے جوان سپاہی شبیر احمد شہید پر وحشیانہ پتھراؤ کرنے اور ان کی شہادت کا سبب بننے والے اہم ملزم صبغت اللہ نے اپنے اہلخانہ کے ذریعے رحم کی اپیل دائر کر دی ہے۔

بریکنگ اپڈیٹ🚨🚨:

سمی دین بلوچ کا تازہ بیان سوشل میڈیا پر وائرل،

“اگر ماہرنگ کو عمر قید ہوگئی ہے، تو اس سے ہماری تحریک کو کوئی فرق نہیں پڑے گا۔ ہمارے پاس متبادل قیادت موجود ہے۔ تحریکیں کسی فرد واحد کی محتاج نہیں ہوتیں۔ ہم اب خود BYC چلائیں گے۔” https://t.co/SDlrqOI0sj

— Azaad Urdu (@azaad_urdu) June 22, 2026

ملزم کے اس اقدام اور اعترافِ جرم نے تحریک کی آڑ میں قانون ہاتھ میں لینے والے ماسٹر مائنڈز کو قانون کے کٹہرے میں بے نقاب کر دیا ہے۔

‘میرا کوئی قصور نہیں، ماہ رنگ کے احکامات پر عمل کیا’

حکام کے مطابق ملزم صبغت اللہ نے رحم کی اپیل میں یہ مؤقف اختیار کیا ہے کہ وہ معصوم ہے اور اس کا ذاتی طور پر کوئی قصور نہیں ہے۔

یہ بھی پڑھیں:ماہ رنگ بلوچ اور ایمان مزاری کے ’’لاپتہ افراد‘‘ میں شامل ایک اور شخص بی ایل اے کمانڈر نکلا

ملزم کا کہنا ہے کہ اسے بلوچ یکجہتی کمیٹی کی مرکزی رکن ماہ رنگ لانگو کی جانب سے براہِ راست احکامات اور ہدایات دی گئی تھیں، جن پر عمل کرتے ہوئے اس نے سیکیورٹی اہلکاروں پر پتھراؤ کیا۔

ملزم نے شبیر بلوچ شہید کے اہل خانہ اور عدالت سے استدعا کی ہے کہ اسے گمراہ کر کے اس کارروائی کے لیے استعمال کیا گیا، لہٰذا اس کی کم عقلی یا لاعلمی کو مدنظر رکھتے ہوئے اس کے ساتھ نرمی کا برتاؤ کیا جائے۔

گوادر احتجاج میں ایف سی اہلکار شبیر بلوچ کے قتل کیس میں اے ٹی سی نے ماہ رنگ لانگو کو عمر قید کی سزا سنا دی، عدالت نے شواہد اور گواہوں کی بنیاد پر فیصلہ سنایا pic.twitter.com/Gg5KeZsaEW

— Azaad Urdu (@azaad_urdu) June 22, 2026

قانون نافذ کرنے والے اداروں کے مطابق یہ اعتراف اس بات کا واضح ثبوت ہے کہ احتجاج کی آڑ میں نوجوانوں کو ڈھال بنا کر سیکیورٹی فورسز پر حملوں کے لیے منظم طریقے سے اکسایا جاتا تھا۔

ماہ رنگ کی سزا پر عوامی اطمینان اور آزاد ڈیجیٹل کی رپورٹ

دوسری جانب ‘آزاد ڈیجیٹل’ کے بلوچستان میں موجود نامہ نگاروں اور سینیئر تجزیہ کاروں کی رپورٹ کے مطابق ماہ رنگ کو عدالت کی طرف سے ملنے والی سزا کے بعد صوبے کے امن پسند عوام میں قانون کی حکمرانی اور بالادستی کے متعلق گہرا اطمینان پیدا ہوا ہے۔

عام شہریوں کا ماننا ہے کہ قانون سے بالاتر کوئی نہیں ہے اور کسی کو بھی حقوق کی آڑ میں وردی پوش جوانوں کے قتل یا بدامنی پھیلانے کی اجازت نہیں دی جا سکتی۔ اس عدالتی فیصلے کو بلوچستان میں دیرپا امن کے لیے ایک سنگِ میل قرار دیا جا رہا ہے۔

مقامی بلوچ یکجہتی کونسل میں خوشی اور بیرونی فنڈنگ کی جنگ

ادھر آزاد ڈیجیٹل کے مطابق اس سزا کے بعد مقامی سطح پر کام کرنے والی ’بلوچ یکجہتی کونسل‘ کی قیادت میں اندرونی طور پر خوشی کی لہر دوڑ گئی ہے۔

رپورٹ میں کہا گیا ہے کہ ماہ رنگ کے منظرنامے سے ہٹنے کے بعد اب مقامی قیادت اس آس پر بیٹھی ہے کہ بیرونِ ملک سے آنے والی بھاری فنڈنگ کے منہ اب ان کی طرف موڑ دیے جائیں گے۔

یہ صورتحال ظاہر کرتی ہے کہ بظاہر نظر آنے والی تحریکوں کے پیچھے اصل محرکات ذاتی مفادات اور بیرونی فنڈز کا حصول ہیں، جس کے لیے معصوم نوجوانوں کا مستقبل داؤ پر لگا دیا جاتا ہے۔