پی آئی اے لاہور اور اسلام آباد سے مشترکہ 7 پروازیں آپریٹ کرے گی ، ان میں اسلام آباد سے لندن ہفتہ وار 5 جبکہ لاہور سے لندن ہفتہ وار 2 پروازیں شامل ہیں۔
ذرائع کے مطابق ٹرکش ائیرلائنز سے سلاٹ کی واپسی پر پی آئی اے لندن کے لیے روزانہ ایک پرواز آپریٹ کرے گی۔
واضح رہے کہ پی آئی اے نے چھ سال کے طویل وقفے کے بعد 30 مارچ سے مسافروں کو لیے لندن پروازوں کا آغاز کیا ہے ۔
پاکستان میں پائلٹس کی جعلی ڈگری سکینڈل کے بعد یورپی یونین ایوی ایشن سیفٹی ایجنسی (ای اے ایس اے) نے 2020 میں یورپی ملکوں کے لیے پی آئی اے کا اجازت نامہ منسوخ کر دیا تھا جس کے بعد اس کی یورپ اور انگلینڈ کے لیے پروازیں معطل کر دی گئی تھیں۔
تاہم یورپی یونین ایوی ایشن سیفٹی ایجنسی (ای اے ایس اے) نے دسمبر 2024 میں پاکستانی ایئر لائن کی یورپ کے لیے پروازوں پر پابندی ختم کرنے کا اعلان کر دیا تھا جبکہ برطانیہ ایئر سیفٹی کمیٹی نے بھی جولائی 2025میں پاکستانی ایئر لائنز پر سے پابندی اٹھا لی تھی۔
By 
