مایا علی کا گلیمرس برتھ ڈے لُک، تصاویر وائرل ہوگئیں

پاکستان شوبز انڈسٹری کی معروف اداکارہ مایا علی نے اپنی سالگرہ قریبی دوستوں کے ساتھ لاہور میں ایک پُر وقار تقریب کے دوران منائی، جس کی تصاویر سوشل میڈیا پر توجہ کا مرکز بن گئی ہیں۔

مایا علی، جو اپنے کامیاب ڈراموں اور منفرد فیشن سینس کی وجہ سے مداحوں میں مقبول ہیں، اس خصوصی موقع پر سیاہ رنگ کے تھیم کے مطابق بغیر آستینوں والی خوبصورت بلیک مڈی ڈریس میں نظر آئیں۔

یہ بھی پڑھیں:رجب بٹ اور ڈاکٹر نبیہا علی خان کی شادی؟ سوشل میڈیا پر نئی بحث چھڑ گئی

اداکارہ نے اپنی دلکش شخصیت کو ہیرے کے نفیس زیورات، خوبصورت ہیئر اسٹائل اور ہلکے مگر جاذبِ نظر میک اپ سے مزید نکھارا، جبکہ ان کا انداز مداحوں کی توجہ کا مرکز بن گیا۔

سالگرہ کی تقریب میں مایا علی کے قریبی دوست بھی شریک ہوئے، جن میں اداکار وہاج علی سمیت شوبز انڈسٹری سے تعلق رکھنے والی کئی معروف شخصیات شامل تھیں۔

یہ بھی پڑھیں:شادی کی تصاویر غائب کیوں ہوئیں؟ نمرہ خان نے حقیقت بتا دی

تقریب کی تصاویر اور ویڈیوز سوشل میڈیا پر تیزی سے وائرل ہو رہی ہیں، جہاں مداح مایا علی کو سالگرہ کی مبارک باد دینے کے ساتھ ساتھ ان کے اسٹائل اور خوبصورتی کی بھی تعریف کر رہے ہیں۔

یاد رہے کہ مایا علی حالیہ دنوں اپنے کامیاب ڈرامے ’ایک محبت اور‘کی بدولت بھی خبروں میں ہیں، جبکہ اداکاری کے ساتھ ساتھ وہ کاروباری میدان میں بھی اپنی کامیاب شناخت بنا چکی ہیں۔