پاکستان کے پاس کتنے ڈالر رہ گئے؟ زرمبادلہ ذخائر کے تازہ اعدادوشمار سامنے آگئے

پاکستان کے زرمبادلہ ذخائر میں ایک ہفتے کے دوران 1 کروڑ 90 لاکھ ڈالر کا اضافہ ریکارڈ کیا گیا ہے، جس کے بعد ملکی مجموعی زرمبادلہ ذخائر 22 ارب 52 کروڑ 79 لاکھ ڈالر کی سطح پر پہنچ گئے۔

اسٹیٹ بینک آف پاکستان کی جانب سے جاری اعداد و شمار کے مطابق ایک ہفتے کے دوران مرکزی بینک کے زرمبادلہ ذخائر میں 19 ملین ڈالر کا اضافہ ہوا، جس کے بعد اسٹیٹ بینک کے ذخائر 17 ارب 11 کروڑ 78 لاکھ ڈالر ہوگئے۔

 یہ بھی پڑھیں :عالمی غذائی مہنگائی کا خدشہ، پاکستان کیلئے بھی خطرے کی گھنٹی، اسٹیٹ بینک نے خبردار کردیا

اعداد و شمار کے مطابق کمرشل بینکوں کے پاس موجود زرمبادلہ ذخائر 5 ارب 41 کروڑ ایک لاکھ ڈالر کی سطح پر ریکارڈ کیے گئے۔

اس طرح اسٹیٹ بینک اور کمرشل بینکوں کے ذخائر کو ملا کر پاکستان کے مجموعی زرمبادلہ ذخائر 22 ارب 52 کروڑ 79 لاکھ ڈالر ہوگئے۔

زرمبادلہ ذخائر میں ہفتہ وار اضافہ ملکی بیرونی ادائیگیوں کی صلاحیت اور مجموعی معاشی صورتحال کے تناظر میں اہم قرار دیا جاتا ہے۔ مرکزی بینک کے ذخائر میں بہتری سے درآمدات اور دیگر بیرونی ادائیگیوں کے لیے دستیاب غیر ملکی کرنسی کے ذخیرے میں اضافہ ہوتا ہے۔

 یہ بھی پڑھیں :عالمی غذائی مہنگائی کا خدشہ، پاکستان کیلئے بھی خطرے کی گھنٹی، اسٹیٹ بینک نے خبردار کردیا

ماہرین کے مطابق زرمبادلہ ذخائر کی صورتحال ملکی معیشت کے لیے ایک اہم اشاریہ ہے، جبکہ ذخائر میں مسلسل بہتری سے بیرونی شعبے میں استحکام اور مالیاتی دباؤ میں کمی کے امکانات پیدا ہوتے ہیں۔ تاہم ذخائر کی مجموعی پائیداری کا انحصار برآمدات، ترسیلات زر، درآمدی ادائیگیوں اور دیگر بیرونی مالیاتی ذرائع سمیت متعدد عوامل پر ہوتا ہے۔