وفاقی حکومت نے بجلی صارفین پر ایک اور مالی بوجھ ڈال دیا، نیپرا نے فیول پرائس ایڈجسٹمنٹ کی مد میں بجلی کی قیمت میں 2 روپے 51 پیسے فی یونٹ اضافے کی منظوری دے دی ہے۔
نیشنل الیکٹرک پاور ریگولیٹری اتھارٹی (نیپرا) نے سینٹرل پاور پرچیزنگ ایجنسی (سی پی پی اے) کی جانب سے ماہ جولائی 2026 کی فیول پرائس ایڈجسٹمنٹ سے متعلق درخواست پر فیصلہ سناتے ہوئے بجلی مہنگی کرنے کی منظوری دی ہے۔
بجلی 2 روپے 51 پیسے مہنگی
فیول پرائس ایڈجسٹمنٹ کے تحت بجلی کی قیمت میں 2 روپے 51 پیسے فی یونٹ اضافہ کیا گیا ہے، جس کے نتیجے میں صارفین کو رواں ماہ کے بجلی بلوں میں اضافی رقم ادا کرنا ہوگی۔
جولائی کے استعمال پر اضافی رقم
نیپرا کے فیصلے کے مطابق اضافی قیمت کا اطلاق ماہ جولائی 2026 میں استعمال کیے گئے بجلی کے یونٹس کی بنیاد پر کیا جائے گا،یعنی صارفین سے جولائی میں استعمال ہونے والی بجلی کے یونٹس پر فی یونٹ 2 روپے 51 پیسے اضافی وصول کیے جائیں گے۔
بجلی کی قیمت میں اضافے کے باعث ملک بھر کے صارفین سے رواں ماہ اربوں روپے اضافی وصول کیے جانے کا امکان ہے،حالیہ فیصلے سے پہلے ہی بجلی کے بھاری بلوں کا سامنا کرنے والے صارفین پر مزید مالی بوجھ پڑے گا۔
سی پی پی اے کی درخواست پر فیصلہ
نیپرا نے یہ فیصلہ سی پی پی اے کی جانب سے جولائی 2026 کی فیول پرائس ایڈجسٹمنٹ کیلئے دائر درخواست پر کیا ہے،فیول پرائس ایڈجسٹمنٹ کے تحت بجلی کی پیداواری لاگت میں ہونے والی تبدیلیوں کو صارفین کے بلوں میں منتقل کیا جاتا ہے۔
صارفین کو رواں ماہ ادائیگی کرنا ہوگی
فیول پرائس ایڈجسٹمنٹ کے تحت منظور ہونے والا اضافی چارج بجلی کے بلوں میں شامل کیا جائے گا، جس کے باعث صارفین کو معمول کے مقابلے میں زیادہ رقم ادا کرنا پڑے گی،نیپرا کی جانب سے جولائی 2026 کی فیول چارجز ایڈجسٹمنٹ کا فیصلہ 4 ستمبر کو جاری کیے جانے والے فیصلوں میں شامل ہے۔
بجلی بل مزید بڑھنے کا خدشہ
بجلی کی قیمت میں حالیہ اضافے سے صارفین کے ماہانہ بجٹ پر مزید دباؤ پڑنے کا خدشہ ہے، جبکہ مہنگے بجلی بل پہلے ہی گھریلو اور کاروباری صارفین کیلئے بڑا مسئلہ بنے ہوئے ہیں۔
فیول پرائس ایڈجسٹمنٹ کی مد میں 2 روپے 51 پیسے فی یونٹ اضافے کے بعد جولائی میں بجلی استعمال کرنے والے صارفین کو اس اضافی رقم کا بوجھ رواں ماہ کے بلوں میں برداشت کرنا ہوگا۔
By 
