اداکارہ ماہرہ خان نے مداحوں کو خوشخبری سنا دی، ننھے مہمان کی آمد متوقع

پاکستان کی معروف اداکارہ ماہرہ خان نے اپنے مداحوں کے ساتھ زندگی کی ایک خاص اور خوشی بھری خبر شیئر کی ہے۔ 

ااداکارہ ماہرہ خان نے مداحوں کو خوشگوار حیرت میں مبتلا کردیا، جب انہوں نے اپنے ہاں دوسرے بچے کی آمد کی خوشخبری سنا دی،  41 سالہ اداکارہ نے آج  13 ستمبر کو اپنے آفیشل انسٹاگرام اکاؤنٹ پر ایک دل چھو لینے والی تصویر کے ساتھ یہ خوشخبری شیئر کی، جس میں وہ سفید لباس میں پردے کے پیچھے کھڑی اپنی نمایاں بے بی  بمپ کو ہاتھوں میں تھامے نظر آئیں۔

ماہرہ خان نے انسٹاگرام پر اپنی ایک تصویر شیئر کرتے ہوئے مختصر مگر جذباتی کیپشن لکھا کہ “ہم منصوبے بناتے ہیں اور اللہ کا اپنا منصوبہ ہوتا ہے۔”

ماہرہ خان کی جانب سے واضح الفاظ میں حمل کا اعلان نہیں کیا گیا لیکن ان کی پوسٹ یہ بتانے کیلئے کافی ہے کہ ان کے ہاں دوسرے بچے کی آمد متوقع ہے ۔

سوشل میڈیا پر مداح اداکارہ کیلئے نیک خواہشات کا اظہار کررہے ہیں اور ان کی زندگی کے اس نئے مرحلے پر خوشی کا اظہار بھی کررہے ہیں۔

سوشل میڈیا پر مداحوں نے کمنٹس میں ماہرہ اور ان کے شوہر سلیم کریم کو مبارکباد دیتے ہوئے دعاوں کا سلسلہ بھی جاری ہے ،  ایک مداح نے لکھا کہ بہترین فیصلے وہ ہوتے ہیں جو ہم نہیں بلکہ خدا ہمارے لیے کرتا ہے، جبکہ ایک اور نے ماہرہ کے لیے ڈھیروں محبت کا اظہار کیا۔

 دیگر مداحوں نے بھی اس خبر پر خوشی کا اظہار کرتے ہوئے اسے انتہائی خوبصورت خبر قرار دیا اور ماہرہ و سلیم کریم کے لیے نیک خواہشات اور دعاؤں کا پیغام دیا۔

 ماہرہ خان  اکتوبر 2023 میں بھوربن میں ایک خوبصورت تقریب کے دوران کاروباری شخصیت سلیم کریم سے رشتہ ازدواج میں منسلک ہوئیں ۔

ماہرہ خان پہلے ہی ایک بیٹے کی والدہ ہیں ،  ان کے بیٹے کا نام اذلان ہے، جو ان کی پہلی شادی سے ہیں۔

اداکارہ نے 2007 میں علی عسکری سے شادی کی تھی، بعد ازاں دونوں کے ہاں بیٹے کی پیدائش ہوئی۔ تاہم کچھ عرصے بعد دونوں میں علیحدگی ہوگئی اور 2016 میں ان کی طلاق ہوگئی۔

یہ بھی پڑھیں:شوہر کی طرف سے ملنے والا تحفہ چوری ہوگیا، ماہرہ خان کا انکشاف

دوسری جانب  ماہرہ خان اپنے کیریئر کا ایک اور اہم سنگ میل عبور کرتے ہوئے رواں سال کے ٹورانٹو انٹرنیشنل فیسٹیول 2026 میں شرکت کے لیے تیار ہیں۔

ماہرہ خان اس باوقار فیسٹیول کے دوران ہدایت کار بسام طارق کی فلم ’یور مدر یور مدر یور مدر‘کے عالمی پریمیئر میں شرکت کریں گی، جہاں وہ فیسٹیول میں فلم ساز کے ساتھ ایک خصوصی نشست کی میزبانی بھی کریں گی

ماہرہ خان پاکستان کے ساتھ ساتھ بالی ووڈ میں بھی اپنی پہچان بنا چکی ہیں۔ شاہ رخ خان کے ساتھ فلم ’رئیس‘ میں ان کی اداکاری کو بھی بے حد پسند کیا گیا۔