نیپال میں پہاڑ دریا برد ہونے کا خوفناک منظر کیمرے میں محفوظ، ویڈیو وائرل

نیپال میں سیلاب اور لینڈ سلائیڈنگ کی تباہ کاریاں تاحال جاری ہیں جس میں  ایک پہاڑ کے لمحوں میں دریا برد ہونے کی ویڈیو نے سب کو حیران کردیا ۔ 

عالمی میڈیا رپورٹ  کے مطابق نیپال میں حالیہ بارشوں کے باعث گنڈکی صوبے میں دریائے کالی گنڈکی ہفتے سے بپھرنا شروع ہوا اور اتوار کی صبح شدید سیلاب میں تبدیل ہوگیا ، مستنگ، میاگدی، پربت اور سیانگجا کے علاقوں میں بڑے پیمانے پر تباہی ہوئی۔

اس لینڈ سلائیڈنگ میں مٹی کا تودہ پربت کے ایک گاؤں کو مکمل طور پر بہا لے گیا جس کے باعث شاہراہیں بھی بند ہوگئیں اور امدادی کارروائیوں میں مشکلات پیش آرہی ہیں۔

نیپال کے ضلع مستنگ میں شدید بارشوں کے بعد پہاڑ کا ایک بڑا حصہ محض 6 سیکنڈ میں دریائے کالی گنڈکی میں جاگرا جس کے نتیجے میں دریا کا بہاؤ عارضی طور پر رک گیا جس کی ویڈیو وائرل ہوگئی۔

THIS IS HOW FAST A MOUNTAIN CAN DISAPPEAR.

In Nepal, along the Kali Gandaki River, a massive section of a mountainside collapsed in just seconds after days of heavy monsoon rain.

Rock, soil, and vegetation came crashing into the valley as people nearby ran for safety.

And the…

— China pulse 🇨🇳 (@Eng_china5) September 28, 2026

واقعے کی ویڈیو میں پہاڑ کو تیزی سے دریا میں گرتے اور مقامی افراد کو خوف سے چیختے ہوئے سنا جاسکتا ہے۔ سیلاب میں 24 افراد ہلاک اور 14 لاپتا ہوگئے جبکہ ہمال کے بیس کیمپ پر برفانی تودہ گرنے سے 2 افراد ہلاک اور 10 لاپتا ہوگئے۔

یہ بھی پڑھیں :کامیابی کا پیمانہ قد نہیں، حوصلہ ہے ! خاتون فائر فائٹر نے عالمی ریکارڈ بنا لیا

یاد رہے کہ گزشتہ ماہ 26 اگست کو نیپال میں بھوٹیکوشی کے تباہ کن سیلاب کے بعد حکام کے مطابق 1400 سے زائد افراد ہلاک اور 6 ہزار سے زیادہ لاپتا ہوئے تھے۔