فٹبال میچ میں کھلاڑی نے وہ کر دیا جو کسی نے سوچا بھی نہ تھا، عجیب حرکت کی ویڈیو وائرل

میکسیکو کے اسٹار فٹبالر میٹیو شاویز اس وقت شدید تنقید اور سوشل میڈیا پر دلچسپی کا مرکز بن گئے جب انہوں نے میچ کے دوران امریکی حریف سباستین برہالٹر کے چہرے پر دونوں ہاتھوں سے تھپڑ مار دیے۔

واقعہ میچ کے 67ویں منٹ میں پیش آیا، جب میٹیو شاویز نے اچانک امریکی کھلاڑی سباستین برہالٹر کے چہرے پر دونوں ہاتھوں سے تھپڑ مارا۔ ریفری نے فوری طور پر کارروائی کرتے ہوئے شاویز کو ریڈ کارڈ دکھا کر میدان سے باہر بھیج دیا۔

ریڈ کارڈ کے نتیجے میں میکسیکو کو میچ کے باقی حصے میں 10 کھلاڑیوں کے ساتھ کھیلنا پڑا، جس کا نقصان اسے میچ کے اختتام پر بھگتنا پڑا۔ امریکی ٹیم نے میکسیکو کو 0-3 سے شکست دے کر میچ اپنے نام کرلیا۔

میچ کے دوران امریکی ٹیم کا پلڑا واضح طور پر بھاری رہا اور میکسیکو مسلسل دباؤ میں دکھائی دیا۔ ایسے ماحول میں شاویز کا اچانک حریف کھلاڑی کو دونوں ہاتھوں سے تھپڑ مارنے کا واقعہ میچ کا سب سے غیر معمولی لمحہ بن گیا۔

یہ بھی پڑھیں:مذاکرات ناکام کیوں ہوے ،وفاقی وزیر طارق فضل چوہدری نے بڑا انکشاف کر دیا

واقعے کی ویڈیو اور تصاویر سوشل میڈیا پر تیزی سے وائرل ہوگئیں، جہاں فٹبال شائقین نے اس عجیب و غریب انداز پر دلچسپ تبصرے کیے۔ ایک مداح نے لکھا کہ یہ منظر دیکھ کر اس کی ہنسی نہیں رک رہی اور وہ سوچ رہا ہے کہ شاویز آخر کیا سوچ رہے تھے۔

ایک دوسرے صارف نے مزاحیہ انداز میں کہا کہ وہ یہ منظر دیکھ کر اتنا ہنسا کہ اس کی آنکھوں میں آنسو آگئے۔ ایک اور مداح نے حیرت کا اظہار کرتے ہوئے سوال کیا کہ میٹیو شاویز نے حریف کھلاڑی کو اس طرح تھپڑ کیسے مار دیا

this is sending me bc wth was he actually thinking 😭😭😭😭😭😭 https://t.co/irHE9lcnU9

— ًًً (@_captainpulisic) October 4, 2026

ایک صارف نے صورتحال پر طنز کرتے ہوئے لکھا کہ ’’لگتا ہے مچھر مار رہا تھا‘‘، جس پر دیگر صارفین نے بھی دلچسپ ردعمل دیے۔

میٹیو شاویز کے اس غیر معمولی ردعمل نے میچ کے نتیجے سے زیادہ توجہ حاصل کی، تاہم میکسیکو کے لیے مجموعی طور پر یہ ایک مایوس کن رات ثابت ہوئی۔ ٹیم نہ صرف 0-3 سے شکست کھا گئی بلکہ شاویز کے ریڈ کارڈ کے باعث اسے میچ کا بڑا حصہ 10 کھلاڑیوں کے ساتھ کھیلنا پڑا۔

یوں ایک طرف امریکی ٹیم نے میدان میں مکمل برتری حاصل کرتے ہوئے تین گول سے کامیابی حاصل کی، تو دوسری طرف میٹیو شاویز کا دونوں ہاتھوں سے تھپڑ مارنے کا واقعہ سوشل میڈیا پر میچ کا سب سے زیادہ زیرِ بحث لمحہ بن گیا۔