بلوچستان میں ٹرکوں کو آگ لگانے کا دعویٰ، اصل واقعہ مسافر بس اور ٹینکر کے تصادم کا نکلا

بلوچستان میں ٹرکوں کو آگ لگانے کا دعویٰ، اصل واقعہ مسافر بس اور ٹینکر کے تصادم کا نکلا

بلوچستان میں مسافر بس اور گیس ٹینکر کے تصادم سے پیش آنے والے المناک حادثے کو  کالعدم بی ایل اے کی جانب سے مسلح افراد کی کارروائی قرار دینے کا دعویٰ  بے نقاب ہوگیا ہے۔ 

سوشل میڈیا پلیٹ فارم ایکس پر اکاؤنٹ ٹی بی این بلوچستان @TBN_Balochistan،جو  کالعدم تنظیموں ٹی ٹی پی اور بی ایل اے سے منسلک پراکسی اکاؤنٹ ہے، پر   دعویٰ کیا گیا کہ کوئٹہ میں مسلح افراد نے سڑک بند کرکے ٹریفک روکی اور ٹرکوں سمیت دیگر ٹرانسپورٹ گاڑیوں کو نذرِ آتش کردیا۔

تاہم 19 نومبر 2026 کی مصدقہ خبروں کے مطابق اصل حادثہ بلوچستان کے ضلع گوادر میں مکران کوسٹل ہائی وے پر پیش آیا، جہاں مسافر بس ایل پی جی ٹینکر سے ٹکرا گئی۔ تصادم کے بعد دونوں گاڑیوں میں آگ بھڑک اٹھی، جس کے نتیجے میں کم از کم 10 افراد جاں بحق اور متعدد زخمی ہوئے۔

یہ بھی پڑھیں: آپریشن رد الفتنہ 3: بلوچستان میں سیکیورٹی فورسز کی بروقت کارروائی، آئی ای ڈی نصب کرنے کی کوشش ناکام، 5 خوارج ہلاک

پولیس کے مطابق زخمیوں کو طبی امداد کے لیے قریبی اسپتالوں میں منتقل کیا گیا، جبکہ حادثے کی تحقیقات شروع کردی گئیں۔

اس سے قبل بھی بلوچستان میں ٹرکوں کو نذرِ آتش کرنے کی پرانی ویڈیوز کو نئے واقعات سے منسوب کرنے کے گمراہ کن دعوے سامنے آچکے ہیں۔

Related Articles