نہ خوف، نہ ڈر بچے بڑے اژدھے کے ساتھ کھیلتے رہے، ویڈیو وائرل

انڈونیشیا میں تین بچوں کی ایک ایسی ویڈیو سوشل میڈیا پر وائرل ہو رہی ہے جس نے دیکھنے والوں کو حیران کر دیا ہے۔ بچوں نے ایک بڑے اژدھے کو دیکھ کر خوفزدہ ہونے کے بجائے اس کے ساتھ کھیلنا شروع کر دیا۔

غیر ملکی میڈیا رپورٹس کے مطابق وائرل ویڈیو انڈونیشیا کی ہے، جس میں تین بچے ایک بڑے اژدھے کے ساتھ کھیلتے دکھائی دے رہے ہیں۔ ویڈیو میں دیکھا جا سکتا ہے کہ بچے کبھی اژدھے کے جسم پر چڑھتے ہیں، کبھی اس پر بیٹھتے ہیں اور کبھی اس کے جسم پر پھسلتے ہوئے کھیلتے نظر آتے ہیں۔

📺WATCH | Children play with python in Indonesia as if it were a toy https://t.co/eGKsuMv5aU

— The Tatva (@thetatvaindia) November 10, 2026

یہ بھی پڑھیں:گردن کے درد سے پریشان خاتون نے لاکھوں کا تکیہ خرید لیا، وجہ دلچسپ

دلچسپ بات یہ ہے کہ اس دوران بچوں کے اہل خانہ بھی وہاں موجود ہیں، جن کی آوازیں ویڈیو میں سنائی دیتی ہیں۔ وہ بچوں کی حرکتیں ریکارڈ کرتے ہوئے ہنسی مذاق بھی کر رہے ہیں۔

ویڈیو سامنے آنے کے بعد سوشل میڈیا صارفین کی جانب سے مختلف تبصرے کیے جا رہے ہیں۔ کچھ لوگ بچوں کے بے خوف انداز پر حیرت کا اظہار کر رہے ہیں، جبکہ کئی صارفین نے اس خطرناک صورتحال پر تشویش بھی ظاہر کی ہے۔

واضح رہے کہ اژدھا ایک طاقتور جنگلی سانپ ہے اور اس کے ساتھ اس طرح کھیلنا بچوں کے لیے انتہائی خطرناک ثابت ہو سکتا ہے۔