جے یو آئی‘ کا احتجاج قصہ پارینہ بن گیا، پشاور، قصہ خوانی، خیبر بازار میں رونقیں بحال

جمعیت علماء اسلام (جے یو آئی) کی مرکزی قیادت کی جانب سے مولانا فضل الرحمان کی کرپشن، قومی اداروں کے خلاف محاذ آرائی پر ملک بھر میں ان کے خلاف سامنے آنے والے ردعمل کے خلاف صوبہ بھر میں احتجاج کی کال کو عوام نے یکسر مسترد کر دیا ہے۔

مولانا فضل الرحمان کی احتجاجی کال بے اثر، خیبر پختونخوا سے پنجاب آنے والی ٹریفک معمول کے مطابق رواں دواں۔ جی ٹی روڈ N-5 پر گاڑیوں کی آمدورفت بلا رکاوٹ جاری، احتجاجی کال مسافروں کی نقل و حرکت متاثر کرنے میں ناکام رہی۔ تازہ ترین صورتحال بتا رہے ہیں نمائندہ آزاد ڈیجیٹل احسان قریشی https://t.co/dSOTOJvxvR

— Azaad Urdu (@azaad_urdu) November 15, 2026

پشاور سمیت خیبر پختونخوا کے دیگر اضلاع میں بھی احتجاج کی کال کا کوئی اثر دیکھنے میں نہیں آیا اور تمام شہروں میں معمولاتِ زندگی بالکل بحال رہے۔ تمام بڑے شہروں میں کہیں بھی جمعیت علمائے اسلام کا کوئی جلسہ یا کارکن احتجاج کرتے ہوئے نظر نہیں آ رہا ہے۔

یہ بھی پڑھیں:حصہ ملا تو موجیں، نہ ملا تو احتجاج، ڈی آئی خان کے شہریوں نے فضل الرحمان کی منافقانہ سیاست کو یکسر ٹھکرا دیا

پشاور کے مرکزی اور تاریخی مقامات یعنی قصہ خوانی بازار اور خیبر بازار کے سنگم پر زمینی حقائق نے واضح کر دیا کہ عوام کا اس احتجاج سے کوئی لینا دینا نہیں ہے۔

جے یو آئی (ف) کی احتجاجی کال کے باوجود بنوں میں فی الحال کوئی احتجاج نہیں ہو رہا۔ شہر میں کاروباری سرگرمیاں اور ٹریفک کی آمدورفت معمول کے مطابق جاری ہے، تازہ ترین صورتحال بتا رہے ہیں نمائندہ آزاد ڈیجیٹل https://t.co/TQMQsSr6LV

— Azaad Urdu (@azaad_urdu) November 15, 2026

شہر کی اہم شاہراہوں پر ٹریفک کی روانی بلاتعطل جاری ہے، جہاں رکشوں، موٹر سائیکلوں اور موٹر گاڑیوں کی بھرمار دیکھی گئی۔ ادھر جے یو آئی (ف) کی احتجاجی کال کے باوجود بنوں میں فی الحال کوئی احتجاج نہیں ہو رہا۔ شہر میں کاروباری سرگرمیاں اور ٹریفک کی آمدورفت معمول کے مطابق جاری ہے۔

شہر بھر کے بازار حسبِ معمول بدستور کھلے ہوئے ہیں اور لوگوں کی ایک بڑی تعداد اپنی روزمرہ کی خریداریوں میں مصروف عمل ہے۔

مزید پڑھیں:فضل الرحمان خاندان کے تینوں گوشواروں کا تقابلی پوسٹ مارٹم: باپ کا سونا اسلحہ بن گیا، بیٹے کا سونا 2 ہزار روپے تولہ اور بھائی کا 15تولہ سونا صفر روپے

اس کے علاوہ شہر کے تمام فوڈ پوائنٹس اور کھانے پینے کی جگہوں پر بھی عوام کا اچھا خاصا رش موجود ہے۔

سیاسی تجزیہ کاروں اور مبصرین کے مطابق، پشاور سمیت کے پی کے کے تمام بڑے شہروں میں عوام نے احتجاجی سیاست کو یکسر مسترد کرتے ہوئے اپنے روزگار اور معمولاتِ زندگی کو ترجیح دی ہے، جو کہ اس احتجاج کی مکمل ناکامی کا منہ بولتا ثبوت ہے۔