خیبر پختونخوا کے عوام نے جمعیت علمائے اسلام کے احتجاج کی کال مکمل مسترد کردی، شہروں میں زندگی رواں دواں، عوام اپنے معمولات زندگی میں مشغول

ڈیرہ اسماعیل خان سمیت خیبر پختونخوا کے تمام اضلاع میں عوام نے جمعیت علمائے اسلام (ف) کی احتجاجی کال مکمل مسترد کر دی ہے، جلسہ گاہیں خالی، جبکہ سڑکوں، گلیوں میں دکانیں کھلی ہیں، شہری معمولات زندگی میں مشغول ہیں۔ عوامی حلقوں نے اس احتجاج کو ذاتی مفادات سے تعبیر کر کے یکسر مسترد کر دیا ہے۔

جمعیت علمائے اسلام کی جانب سے اتوار کو سربراہ جمعیت علمائے اسلام ف کے کرپشن اور بدعنوانیوں اور قومی اداروں کے خلاف ہرزہ سرائی کے باعث مقدمات بننے کے خلاف احتجاج کا اعلان کیا گیا تھا، تاہم مقامی دن کے 11 بجنے کے باوجود احتجاجی مقامات پر صرف 8 سے 10 افراد ہی دکھائی دیے۔

یہ بھی پڑھیں:این اے 265 پشین کے حلف نامے میں الائیڈ بینک اکاؤنٹ چھپانے پر فضل الرحمان کی نااہلی کی درخواست تیار

خاص طور پر ’مولانا فضل الرحمان‘ کے آبائی علاقے ڈیرہ اسماعیل خان اور خیبر پختونخوا کے دیگر شہروں میں کارکنوں یا عام شہریوں کی تعداد کہیں نظر نہیں آئی۔

فضل الرحمان نے ذاتی مفادات کے لیے پورے ملک میں انتشار پھیلا رکھا ہے، عوام کے حقوق کے لیے کبھی سڑکوں پر نہیں نکلے، آج اپنے مفادات کے لیے احتجاج کرنے نکل پڑے ہیں، ڈی آئی خان کی خاتون شہری مولانا فضل الرحمان پر شدید برہم۔ https://t.co/W4Q9PQe8TL

— Azaad Urdu (@azaad_urdu) November 15, 2026

میڈیا نمائندوں کا کہنا ہے کہ عوام کی اکثریت نے اس احتجاجی کال سے لاتعلقی اختیار کی ہے، جس کی وجہ سے احتجاجی سرگرمیاں انتہائی محدود دکھائی دیں۔

عوامی حلقوں کی تنقید اور مؤقف

مختلف شہروں سے سامنے آنے والے عوامی ردعمل میں شہریوں نے جمعیت علمائے اسلام کی قیادت پر کڑی تنقید کی ہے۔

کرک سے تعلق رکھنے والے شہریوں کا کہنا ہے کہ  فضل الرحمان کا احتجاج ان کا اپنا ذاتیات کا معاملہ ہے اور عوام کا اس سے کوئی سروکار نہیں کیونکہ یہ تحریک عوامی مسائل کے بجائے ذاتی مفادات کے لیے چلائی جا رہی ہے۔

مزید پڑھیں:’عوام سڑکوں پر خواری اور یہ محلوں میں عیش کریں‘ شہریوں نے فضل الرحمان کی احتجاجی کال مسترد کر دی

اسی طرح دیگر مقامی افراد نے رائے ظاہر کی کہ بے روزگاری، دہشتگردی اور بدعنوانی جیسے سنگین عوامی مسائل پر کبھی اس طرح سڑکوں پر احتجاج نہیں کیا گیا، بلکہ احتجاجی سیاست صرف اسی وقت شروع ہوتی ہے جب اقتدار میں مطلوبہ حصہ داری نہ ملے۔

ریاستی بیانیے اور اثاثوں پر اٹھنے والے سوالات

عوامی حلقوں کی جانب سے جاری کردہ بیانات میں اس بات پر بھی زور دیا گیا کہ ماضی کی مختلف حکومتوں میں حصہ داری ملنے پر خاموشی اختیار کر لی جاتی تھی، لیکن اب ریاست کے خلاف بیانات دیے جا رہے ہیں۔

فضل الرحمان صرف اپنے سیاسی مفادات کے لیے نکلتے ہیں، عوام کا ان کے احتجاج سے کوئی تعلق نہیں۔ مولانا کے مفاداتی احتجاج کو مسترد کرتے ہیں، کرک شہری https://t.co/CHXwkaxxw2

— Azaad Urdu (@azaad_urdu) November 15, 2026

شہریوں کا کہنا تھا کہ ریاست ماں کا درجہ رکھتی ہے جس نے سیاسی شخصیات کو ایوانوں، اسمبلیوں اور پارلیمنٹ تک پہنچایا، اس لیے ریاست کے خلاف گفتگو مناسب نہیں ہے، ہمارا فضل الرحمان کے احتجاج سے کوئی لینا دینا نہیں ہے۔

شہریوں نے ’جے یو آئی‘ کی قیادت کے خاندانی پس منظر اور معاشی حیثیت پر سوالات اٹھاتے ہوئے دعویٰ کیا کہ ماضی میں محدود وسائل کے باوجود آج ان کے انڈونیشیا، ملائیشیا، سعودی عرب اور دیگر خلیجی ممالک میں کاروبار پھیلے ہوئے ہیں، جن کے ذرائع آمدن کے حوالے سے وضاحت ضروری ہے۔

مولانا فضل الرحمان کی احتجاجی کال بے اثر، خیبر پختونخوا سے پنجاب آنے والی ٹریفک معمول کے مطابق رواں دواں۔ جی ٹی روڈ N-5 پر گاڑیوں کی آمدورفت بلا رکاوٹ جاری، احتجاجی کال مسافروں کی نقل و حرکت متاثر کرنے میں ناکام رہی۔ تازہ ترین صورتحال بتا رہے ہیں نمائندہ آزاد ڈیجیٹل احسان قریشی https://t.co/dSOTOJvxvR

— Azaad Urdu (@azaad_urdu) November 15, 2026

شہریوں کا کہنا ہے کہ ’کرپشن آشکار ہوئی، تو فضل الرحمان کے لیے ریاست بُری ہوگئی‘ فضل الرحمان کا ’احتجاج‘ محض ان کے ذاتی محلات اور کاروبار بچانے کی جنگ ہے جس سے عوام کا کوئی سروکار نہیں ہے۔ عوام نے ردعمل دیا ہے کہ فضل الرحمان کا بلیک میلنگ سے ذاتی تجوریاں بھرنے کا کھیل ختم ہو چکا ہے، فضل الرحمان کے ’سیاسی دنگل‘ اور ریاست کے ساتھ محاذ آرائی کے پیچھے چھپے مقاصد عوام خوب جان گئے ہیں۔

یہ بھی پڑھیں:ڈگری یافتہ نوجوان بے روزگار، فضل الرحمان کے بھائی بغیر ڈگری کے کمشنر تعینات؛ سول سروس کے قوانین کی دھجیاں اڑا دی گئیں

پاکستان کی سیاست میں احتجاجی تحریکوں اور دھرنوں کی ایک طویل تاریخ رہی ہے، جہاں سیاسی جماعتیں حکومت پر دباؤ بڑھانے کے لیے سڑکوں کا رخ کرتی ہیں۔

ڈی آئی خان کے شہری نے مولانا فضل الرحمان کے مفاداتی احتجاج کیخلاف احتجاج کرنے کا فیصلہ کر لیا۔۔۔ https://t.co/HZmZ5Z6GAX

— Azaad Urdu (@azaad_urdu) November 15, 2026

تاہم بدلتے ہوئے معاشی اور سماجی حالات میں عام شہریوں کی ترجیحات میں نمایاں تبدیلی آئی ہے۔ مہنگائی، روزگار کے مواقع کی کمی اور امن و امان کی صورتحال نے عوام کو سیاسی نعروں کے بجائے عملی اقدامات کی طرف متوجہ کیا ہے۔

جب کسی بھی سیاسی احتجاج کو عوامی تائید حاصل نہ ہو تو اس کی بنیادی وجہ عوام اور قیادت کے ایجنڈے کے درمیان پایا جانے والا خلیج ہوتا ہے، جو کسی بھی سیاسی جماعت کے لیے آئندہ کی حکمت عملی طے کرنے میں ایک اہم اشارہ ثابت ہوتا ہے۔