200 سال بعد لاہور قلعے کا تاریخی دروازہ کھلنے والا ہے، بڑی خوشخبری

200 سال بعد لاہور قلعے کا تاریخی دروازہ کھلنے والا ہے، بڑی خوشخبری

لاہور کے تاریخی ورثے سے محبت کرنے والوں کے لیے خوشخبری ہے کہ لاہور قلعے کا قدیم اکبری دروازہ دسمبر 2026 میں تقریباً 200 سال بعد دوبارہ عوام کے لیے کھول دیا جائے گا۔

مغل بادشاہ اکبر کے دور میں تعمیر ہونے والا اکبری دروازہ کسی زمانے میں لاہور کے اندرون شہر اور شاہی قلعے کے درمیان ایک اہم راستے کے طور پر استعمال ہوتا تھا۔ اس دروازے سے عام شہریوں، تاجروں اور شاہی وفود کی آمد و رفت ہوتی تھی، تاہم برطانوی دور حکومت میں اسے بند کر دیا گیا تھا۔

یہ بھی پڑھیں:دلہن کی جگہ کتے نے لے لی انٹری، شادی کی تقریب میں قہقہے گونج اٹھے

3سالہ بحالی منصوبے نے تاریخی دروازے کو نئی زندگی دے دی

اکبری دروازے کی بحالی کا منصوبہ 2023 میں شروع کیا گیا تھا، جس کے تحت دروازے کی بڑی لکڑی کی ساخت کی مرمت، اصل مغل طرز تعمیر کی بحالی اور تاریخی نقش و نگار کو محفوظ بنانے کا کام کیا گیا۔

مرمت کے دوران دیواروں پر پلستر کی تہوں کے نیچے صدیوں پرانی فریسکو پینٹنگز بھی دریافت ہوئیں، جنہیں بحال کرکے محفوظ کیا گیا ہے۔ اس کے علاوہ صحن میں قدیم نکاسی آب کا نظام بھی سامنے آیا، جسے منصوبے کا حصہ بناتے ہوئے محفوظ رکھا گیا۔

سیاحوں کے لیے نئی سہولیات بھی تیار

تاریخی دروازے کو عوام کے لیے کھولنے سے پہلے یہاں آنے والوں کی سہولت کے لیے نیا راستہ اور وہیل چیئر ریمپ بھی تعمیر کیا گیا ہے۔ بحال شدہ مقام پر ٹکٹ گھر، تاریخی تصاویر اور دستاویزات پر مشتمل گیلری، سی سی ٹی وی نگرانی کا نظام اور پارکنگ کی سہولت بھی فراہم کی جائے گی۔

یہ بھی پڑھیں:پہلی محبت بھلا نہ سکیں، لیلیٰ نے شادی نہ کرنے کی وجہ بھی بتا دی

اس منصوبے میں تاریخی ورثے کے تحفظ سے متعلق اداروں کے ساتھ بین الاقوامی ترقیاتی اور ثقافتی تحفظ کی تنظیموں نے بھی تعاون کیا۔

اکبری دروازے کی دوبارہ بحالی اور افتتاح سے سیاحوں کو لاہور قلعے میں داخلے کے ایک قدیم راستے کو دیکھنے کا موقع ملے گا۔ یہ پیش رفت نہ صرف لاہور کے مغل دور کے ورثے کو محفوظ بنانے کی کوشش ہے بلکہ شہر کی تاریخ سے نئی نسل کو روشناس کرانے کا بھی ایک اہم ذریعہ بن سکتی ہے۔

editor

Related Articles