سینیٹر فیصل واوڈا نے دعویٰ کیا ہے کہ پاکستان تحریک انصاف (پی ٹی آئی) پر جلد پابندی لگنے والی ہے اور عمران خان کی اہلیہ بشریٰ بی بی کی جلد گرفتاری ہوگی۔
نجی ٹی وی چینل سے گفتگو کرتے ہوئے فیصل واوڈا نے کہا کہ پی ٹی آئی پر پابندی لگنے کے بعد بشریٰ بی بی کی گرفتاری کے بعد پی ٹی آئی کے مخلص رہنما ایک نئی پارٹی’ پی ٹی آئی پاکستان ‘تشکیل دیں گے۔ انہوں نے مزید کہا کہ تحریک انصاف سے ایک ’گدھ‘ نے 9 مئی کا واقعہ کرایا اور وہی شخص اقتدار میں گوگی گینگ کے تمام معاملات بھی چلا رہا تھا۔
فیصل واوڈا نے کہا کہ بشریٰ بی بی کا ڈی چوک جانے کا ارادہ تھا لیکن وہ فرار ہو گئیں۔ اگر وہ سنگجانی میں جلسے کرنے پر راضی ہو جاتیں تو شاید ان کی کچھ عزت باقی رہ جاتی لیکن اب موجودہ قیادت منہ دکھانے کے قابل نہیں رہی۔ انہوں نے یہ بھی دعویٰ کیا کہ پی ٹی آئی کی تمام لیڈر شپ نے کہہ رہی ہے کہ اس خاتون نے ہمارے لیے مصیبت بنائی۔
ان کا کہنا تھا کہ علی امین گنڈاپور کی گرفتاری کا امکان نہیں ہے لیکن بشریٰ بی بی کی گرفتاری ضرور ہوگی۔
By 
