سفارتی کامیابی کا معاشی انعام،عالمی منڈی میں خام تیل کی قیمتوں میں نمایاں کمی

عالمی منڈی میں خام تیل کی قیمتوں میں نمایاں کمی ریکارڈ کی گئی ہے۔ ایران اور امریکا کے درمیان کشیدگی ختم کرنے کی سفارتی کوششوں نے تیل کی عالمی تجارت پر اثر دکھانا شروع کردیا ہے۔

تازہ کاروباری صورتحال کے مطابق برینٹ خام تیل کی قیمت میں 6 فیصد کمی ہوئی۔ اس کے بعد قیمت 106 ڈالر 50 سینٹ فی بیرل پر آگئی۔

امریکی خام تیل ویسٹ ٹیکساس انٹرمیڈیٹ (ڈبلیو ٹی آئی) بھی سستا ہوگیا۔ اس کی قیمت میں 6.34 فیصد کمی ریکارڈ کی گئی۔ یوں امریکی خام تیل 97 ڈالر 52 سینٹ فی بیرل میں فروخت ہونے لگا۔

مربن خام تیل بھی سستا

عالمی منڈی میں مربن خام تیل کی قیمت میں سب سے زیادہ کمی ریکارڈ کی گئی۔ اس کی قیمت 11 فیصد گرنے کے بعد 105 ڈالر فی بیرل پر آگئی۔

 یہ بھی پڑھیں :مشرقِ وسطیٰ کشیدگی ،خام تیل کی قیمت میں اضافہ،عالمی منڈی میں ہلچل

تینوں اہم اقسام کے خام تیل کی قیمتوں میں کمی عالمی توانائی مارکیٹ کی صورتحال میں نمایاں تبدیلی کی عکاسی کرتی ہے۔

ایران امریکا کشیدگی اور تیل کی قیمتیں

ایران اور امریکا کے درمیان جاری کشیدگی عالمی منڈی میں خام تیل کی قیمتوں پر اثر انداز ہوتی رہی ہے۔ مشرق وسطیٰ میں ممکنہ فوجی تصادم کے خدشات نے تیل کی فراہمی اور بحری تجارتی راستوں کے تحفظ سے متعلق تشویش بڑھائی تھی۔

 یہ بھی پڑھیں :جنگ بندی کی امیدیں روشن، عالمی منڈی میں خام تیل کی قیمتیں 3 فیصد گر گئیں

اب دونوں ممالک کے درمیان کشیدگی کم کرنے کی کوششوں کے دوران قیمتوں میں کمی سامنے آئی ہے۔ سفارتی پیش رفت سے عالمی منڈی میں رسد کے ممکنہ خطرات سے متعلق خدشات کم ہونے کی توقع پیدا ہوئی ہے۔

تاہم تیل کی قیمتوں میں آئندہ اتار چڑھاؤ کا انحصار خطے کی صورتحال اور مذاکرات میں ہونے والی پیش رفت پر بھی رہے گا۔