راولپنڈی پولیس نے صدر کینٹ میں واقع کے ایف سی پرحملہ کرنیوالے 10 ملزمان کو گرفتار کر لیا گیا۔
سی پی او راولپنڈی سید خالد ہمدانی نے پولیس لائن ہیڈکواٹر میں پریس کا نفرنس کرتے ہوئے بتایا کہ گرفتار ملزمان میں کامران، نسیم، توصیف، خضر، منصور، زاید، آصف، عظمت، ناصر، حمزہ شامل ہیں۔ ملزمان نے فاسٹ فوڈ برانچ میں داخل ہو کر ہنگامہ آرائی کی تھی۔
سی پی او کے مطابق پولیس نے سی سی ٹی وی فوٹیج اور ہیومن انٹیلی جنس کی مدد سے ملزمان کو گرفتار کیا ۔فاسٹ فوڈ برانچز کے باہر پولیس نفری تعینات کی گئی ہیں۔ان کا کہنا تھا کہ مہذب معاشرہ میں کہیں یہ نہیں ہوتا کہ اسطرح کسی بھی عوامی جگہ پر ایسا کیا جائے۔ ان میں ٹک ٹاکر بھی ہیں اور یہ تمام پاکستانی ہیں، جن کا کسی سیاسی جماعت سے تعلق نہیں۔
انہوں نے بتا یا کہ ہم نے دوتین روز قبل علماء کمیٹی کو وارث خان کے علاقے میں ہونے والے واقعہ میں انگیج کیا تھا ۔یہ کریمنلز ایکٹ ہے جو غیر اخلاقی اور غیرقانونی واقعہ ہے۔ صدر کینٹ میں یہاں پولیس پہلے ہی تعینات تھی تاہم کچھ فاصلہ ہونے اور افسران کے آنے پر فوری رسپانس کیا گیا۔ کل صبح ملزمان کو عدالت میں پیش کیا جائےگا۔ عدالت کے سامنے بہتر انداز میں کیس پیش کریں گے۔
انہوں نے مزید کہا کہ فلسطین کے حوالے سے راولپنڈی سے اسلام آباد جانیوالی ریلیوں کے حوالے سے اسلام آباد انتظامیہ سے کوارڈینیشن ہوگی۔ ملزمان میں ایک واپڈا کا کنٹریکٹ ملازم ،ٹک ٹاکر اور یوٹیوبر بھی ہے۔
By 
