آزاد فیکٹ چیک : اسرائیل ایران جنگ میں پاکستان کی شمولیت کے دعوے بے بنیاد اور بدنیتی پر مبنی ہیں

 اسرائیل ایران جنگ میں پاکستان کی شمولیت کے بھارتی دعوے بے بنیاد اور بدنیتی پر مبنی ہیں۔

وزارت انفارمییشن و براڈکاسٹنگ کی جانب سے سوشل میڈیا اکاؤنٹ ایکس پر ایک بیان جاری کیا گیا ہے جس میں بتایا گیا ہے کہ بھارتی میڈیا اور  سوشل میڈیا اکاؤنٹس کی جانب سے امریکا کا پاکستان سے ایران کیخلاف اڈے مانگنے اور فضائی حدود انٹیلی جنس کے لیے استعمال کرنے کا دعوؤں میں صداقت نہیں ۔

‼️*Fact Check*‼️
Concerted malicious efforts are being made by Indian media & social media accounts which are spreading absolutely fake news about Pakistan being asked for military bases in ongoing Israel-Iran war and also false claim that Pakistan air space is being used for… pic.twitter.com/wnJa20SNKX

— Fact Checker MoIB (@FactCheckerMoIB) June 20, 2025

بھارتی میڈیا اور سوشل میڈیا اکاؤنٹس کی طرف سے مشترکہ بدنیتی پر مبنی کوششیں کی جا رہی ہیں جو کہ اسرائیل اور ایران کی جاری جنگ میں پاکستان سے فوجی اڈے مانگے جانے کے بارے میں بالکل غلط خبریں پھیلا رہے ہیں اور یہ بھی  دعویٰ کر رہے ہیں کہ پاکستان کی فضائی حدود انٹیلی جنس اکٹھا کرنے کے لیے استعمال ہو رہی ہے۔

یہ سراسر بے بنیاد، مضحکہ خیز اور مضحکہ خیز پروپیگنڈہ دعوے ہیں جو بھارتی میڈیا اور اس کے پراکسیز پاکستان کو بدنام کرنے کے لیے کر رہے ہیں۔

بوکھلاہٹ کا شکار بھارتی میڈیا جھوٹی خبریں چلانے میں مصروف ہے جہاں بھارتی میڈیا کا ایک جعلی ویڈیو کلپ سوشل میڈیا پر وائرل ہو رہا ہے، جس میں یہ جھوٹا دعویٰ کیا جا رہا ہے کہ امریکی صدر ڈونلڈ ٹرمپ نے پاکستان سے ایران کے خلاف فضائی اور زمینی اڈے فراہم کرنے کی درخواست کی ہے۔

اسی سلسلے میں ایک بھارتی ویب سائٹ “دی ڈیلی گارڈین” نے بھی گمراہ کن رپورٹ شائع کی، جو کہ بین الاقوامی معتبر ادارے “دی گارڈین” سے مشابہ نام رکھتی ہے تاکہ قارئین کو دھوکا دیا جا سکے۔ اس ویب سائٹ نے جھوٹا دعویٰ کیا کہ ڈونلڈ ٹرمپ نے پاکستان سے فوجی اڈے مانگے ہیں اور اس کے بدلے میں امداد، ہتھیار اور معاہدے پیش کیے ہیں۔

بھارتی میڈیا کا ٹرمپ کا پاکستان سے ایران کے خلاف اڈے مانگنے کا جھوٹا دعویٰ

دفاعی تجزیہ کاروں کے مطابق بھارتی میڈیا کی جانب سے اس قسم کی فیک نیوز مہم ایک سوچی سمجھی سازش کے تحت چلائی جارہی ہے جس کا مقصد اسرائیل اور ایران کے تنازعے میں پاکستان کو گھسینٹے کی کوشش کی جارہی ہے۔

یہ فیک نیوز مہم اس وقت زور پکڑ گئی جب آرمی چیف فیلڈ مارشل عاصم منیر کو ذاتی طور پر ڈونلڈ ٹرمپ کی جانب سے وائٹ ہاؤس میں ظہرانے پر مدعو کیا گیا۔ اسی ملاقات کے بعد بھارتی میڈیا، خاص طور پر NDTV، نے بے بنیاد دعویٰ کیا کہ فیلڈ مارشل منیر نے ٹرمپ کو نوبل انعام کے لیے نامزد کیا تھا، جس کی وجہ سے انہیں مدعو کیا گیا۔