کالعدم عوامی ایکشن کمیٹی کو بڑا جھٹکا ، برطانیہ کے اہم سربراہ راشوجٹ نے اپنی راہیں جدا کرلیں

آزاد کشمیر میں کالعدم عوامی ایکشن کمیٹی کو ایک اور بڑا سیاسی جھٹکا لگ گیا ہے جہاں برطانیہ سے تعلق رکھنے والے ایکشن کمیٹی کے سربراہ راشد یوسف عرف راشو جٹ نے لاتعلقی کا اعلان کردیا ۔

اطلاعات کے مطابق راشو جٹ کالعدم ایکشن کمیٹی کے سربراہوں میں سے ایک ہیں اور ان کی سرگرمیوں میں بڑھ چڑھ کر حصہ لیتے رہے ہیں تاہم اب ایک ویڈیو میں راشو جٹ نے کالعدم ایکشن کمیٹی سے علیحدگی کا اعلان کرتے ہوئے  کہا کہ  “فوج میری ہے اور ملک میرا ہے” اور “پاکستان زندہ باد” کا نعرہ بھی لگایا۔

🚨🚨 بریکنگ: برطانیہ میں مقیم کالعدم عوامی ایکشن کمیٹی کے سربراہ، راشو جٹ نے تنظیم سے علیحدگی اختیار کر لی۔
انہوں نے کہا، “فوج میری ہے اور ملک میرا ہے” اور “پاکستان زندہ باد” کا نعرہ لگایا۔۔۔ pic.twitter.com/FWFy0X3PHW

— Azaad Urdu (@azaad_urdu) June 25, 2026

تنظیم کے خلاف عوامی ردعمل اور سیاسی منظرنامے میں تبدیلی کے باعث اس کے کئی سابق حامی بھی لاتعلقی اختیار کر رہے ہیں اور حال ہی میں کالعدم عوامی ایکشن کمیٹی کے بہت سے ارکان تنظیم کی ریاست مخالف سرگرمیوں کو بھانپتے ہوئے ان سے راہیں جدا کررہے ہیں ۔

یہ بھی پڑھیں :کالعدم ایکشن کمیٹی کے رہنمائوں شوکت نواز میر اور خواجہ مہران کی آڈیو کال منظر عام پر آگئی

اس سے قبل فیصل جمیل کاشمیری نے کالعدم عوامی ایکشن کمیٹی کے پاکستان مخالف بیانیے اور ریاستی اداروں کے خلاف مبینہ پروپیگنڈے سے اختلاف کرتے ہوئے تنظیم سے علیحدگی کا فیصلہ کیا تھا ، ان کی علیحدگی کو تنظیم کے لیے ایک اہم نقصان قرار دیا جا رہا ہے۔

علاوہ ازیں مظفرآباد کے علاقے گڑھی دوپٹہ بازار چٹھیاں کے صدر انجمن تاجران شوکت کھوکھر بھی ویڈیو بیان کے ذریعے کالعدم عوامی ایکشن کمیٹی سے لاتعلقی کا اعلان کر چکے ہیں۔