گھانا کے ’’جادوگر‘‘ کی فیفا ورلڈکپ 2026 سے متعلق حیران کن پیشگوئی

خود کو گھانا کا سب سے بڑا جادوگر قرار دینے والے نانا کواکو بونسام نے فیفا ورلڈ کپ 2026 کے حوالے سے ایک نئی اور حیران کن پیشگوئی کرکے سوشل میڈیا پر بحث چھیڑ دی ہے۔

سوشل میڈیا پر گردش کرنے والی خبروں کے مطابق نانا کواکو بونسام نے دعویٰ کیا ہے کہ ورلڈ کپ 2026 کے راؤنڈ آف 32 مرحلے میں کیپ وردے، لیونل میسی کی ارجنٹائن کو شکست دے کر ٹورنامنٹ سے باہر کر دے گا۔ ان کا کہنا ہے کہ یہ پیشگوئی انہوں نے مبینہ طور پر “فلکیاتی اشاروں” کی بنیاد پر کی ہے۔

انہوں نے اپنی پیشگوئی کو مزید آگے بڑھاتے ہوئے دعویٰ کیا کہ اس بار فیفا ورلڈ کپ 2026 کا ٹائٹل کرسٹیانو رونالڈو کی قیادت میں پرتگال اپنے نام کرے گا۔

🚨 ¡PREDICCIÓN QUE SACUDE AL MUNDIAL! 😳🔮

Nana Kwaku Bonsam, el espiritualista ghanés que se hizo viral por el supuesto “embrujo” a Harry Kane, lanzó una nueva y polémica profecía.

🗣️ Asegura que Cabo Verde 🇨🇻 será la selección que eliminará a Argentina 🇦🇷 de Lionel Messi en… pic.twitter.com/dRE3YJQz6o

— Motivaciones Fútbol (@MotivacionesF) June 29, 2026

ان کی یہ پیشگوئی سوشل میڈیا پر تیزی سے وائرل ہو رہی ہے، جہاں فٹبال شائقین کی جانب سے ملا جلا ردعمل سامنے آ رہا ہے۔ کچھ صارفین اسے محض تفریح اور توجہ حاصل کرنے کی کوشش قرار دے رہے ہیں، جبکہ بعض اسے دلچسپ پیشگوئی کے طور پر دیکھ رہے ہیں۔

یہ بھی پڑھیں: پاکستان کرکٹ بورڈ کا بڑا فیصلہ، کرکٹ کھلاڑیوں کی میچ فیس اور مراعات میں نمایاں اضافہ

واضح رہے کہ نانا کواکو بونسام اس سے قبل بھی اس وقت خبروں کی زینت بنے تھے جب انہوں نے انگلینڈ اور گھانا کے میچ سے قبل دعویٰ کیا تھا کہ انہوں نے ہیری کین کو گھانا کے خلاف گول کرنے سے روک دیا ہے۔ اتفاقاً اس میچ میں ہیری کین کوئی گول نہ کر سکے اور ان کی کارکردگی بھی توقعات کے مطابق نہ رہی، جس کے بعد ان کے دعوے کو سوشل میڈیا پر خاصی توجہ ملی تھی۔

تاہم نانا کواکو بونسام کی تازہ پیشگوئی کی آزادانہ طور پر تصدیق نہیں ہوئی، اور اس بات کا کوئی سائنسی یا کھیلوں سے متعلق ثبوت موجود نہیں کہ اس قسم کی پیشگوئیاں ورلڈ کپ کے نتائج پر اثرانداز ہو سکتی ہیں۔