افغانستان میں طالبان کے خلاف غم و غصہ، طالبان رہنماوں کی گاڑی پر فائرنگ کی ویڈیو سوشل میڈیا پر وائرل

افغانستان میں طالبان کے خلاف عوامی غم و غصے سے متعلق ایک ویڈیو سوشل میڈیا پر سامنے آئی ہے، جس میں مبینہ طور پر طالبان رہنماؤں کی گاڑی کو فائرنگ کا نشانہ بناتے ہوئے دکھایا گیا ہے۔

ویڈیو میں رکشے میں سوار دو مسلح افراد کو گاڑی کی رفتار کم ہوتے ہی رکشے سے اتر کر براہِ راست فائرنگ کرتے دیکھا جاسکتا ہے۔

سوشل میڈیا پر سامنے آنے والی ویڈیو نے افغانستان میں طالبان کے خلاف مبینہ عوامی غم و غصے کے حوالے سے نئی بحث کو جنم دیا ہے۔

معلومات کے مطابق ویڈیو میں ایک گاڑی دکھائی دیتی ہے جس میں طالبان رہنما سوار تھے، جبکہ ایک مقام پر گاڑی کی رفتار کم ہونے کے بعد رکشے میں موجود دو مسلح افراد کارروائی کرتے نظر آتے ہیں۔

یہ بھی پڑھیں: افغانستان میں طالبان کا تعلیمی نظام نظریاتی انتہاپسندی کی زد میں، نئی نسل کی ذہن سازی کا منصوبہ سامنے آگیا

ویڈیو کے مطابق رکشے میں سوار دونوں مسلح افراد گاڑی کے قریب پہنچنے کے بعد رکشے سے اترتے ہیں اور گاڑی میں موجود افراد پر براہِ راست فائرنگ کرتے ہیں۔

افغانستان میں طالبان کے خلاف غم و غصہ

افغانستان میں عوام طالبان کے مبینہ مظالم سے اس قدر تنگ آچکے ہیں کہ طالبان رہنما یا کمانڈر نظر آنے کی صورت میں انہیں نشانہ بنایا جاتا ہے۔

ویڈیو میں مسلح افراد کی جانب سے طالبان رہنماؤں کی گاڑی کو نشانہ بنائے جانے کا منظر افغانستان میں طالبان کے خلاف مبینہ غصے کی علامت سمجھا جارہا ہے۔