مستونگ: کھڈ کوچہ میں سیکیورٹی فورسز کی کامیاب کاروائی میں فتنہ الخوارج کو مسلسل تباہی کا سامنا

بلوچستان کے ضلع مستونگ کے علاقے کھڈ کوچہ میں سیکیورٹی فورسز کی کامیاب کارروائی کے نتیجے میں دہشت گردوں کو بھاری نقصان پہنچا ہے، کاروائیوں کے دوران ہلاک ہونے والے دہشت گردوں کی تعداد 13 ہو گئی ہے۔

اطلاعات کے مطابق سیکیورٹی فورسز نے علاقے میں انٹیلی جنس بنیادوں پر آپریشن کیا، جس کے دوران فتنہ الخوارج سے منسلک دہشت گردوں کے خلاف مؤثر کارروائی کی گئی۔

ذرائع کے مطابق آپریشن کے دوران فتنہ الہندوستان کے متعدد ٹھکانے بھی تباہ کر دیے گئے، جبکہ متعدد دہشت گردوں کے زخمی ہونے کی اطلاعات بھی سامنے آئی ہیں۔

یہ بھی پڑھیں: کرکٹ سے شاندار سفر کرنے والے پاکستان کے وسیم خان کو بڑا عالمی عہدہ مل گیا

کارروائی کے دوران سیکیورٹی فورسز نے بڑی مقدار میں اسلحہ، بارود اور دیسی ساختہ بم (آئی ای ڈی) تیار کرنے کے لیے استعمال ہونے والا مواد بھی برآمد کر لیا۔

سیکیورٹی ذرائع کے مطابق علاقے میں کلیئرنس اور سرچ آپریشن جاری ہے تاکہ ممکنہ طور پر موجود دیگر دہشت گردوں کا بھی خاتمہ کیا جا سکے۔