رجب بٹ کی دولت پر بڑا انکشاف، پہلی بار حقیقت سامنے آگئی

 پاکستان کے معروف یوٹیوبر رجب بٹ نے پہلی مرتبہ اپنی مجموعی دولت سے متعلق کھل کر بات کرتے ہوئے انکشاف کیا ہے کہ وہ گزشتہ سال ارب پتی بن گئے تھے اور ان کی مجموعی دولت 100 کروڑ پاکستانی روپے سے تجاوز کر چکی ہے۔

ایک پوڈکاسٹ میں گفتگو کے دوران میزبان نے رجب بٹ سے سوال کیا کہ آیا وہ کروڑ پتی ہیں یا ارب پتی؟ اس پر رجب بٹ نے مسکراتے ہوئے پہلے میزبان سے پوچھا کہ کیا انہیں کروڑ پتی اور ارب پتی میں فرق معلوم ہے۔ مثبت جواب ملنے پر انہوں نے کہا، “الحمدللہ، میں گزشتہ سال ارب پتی بن گیا تھا۔”

 یہ بھی پڑھیں :رجب بٹ اور اہلیہ کے درمیان اختلافات ختم ہو گئے؟ اہم دعویٰ سامنے آگیا

رجب بٹ نے مزید بتایا کہ ان کی مجموعی دولت 100 کروڑ روپے سے زیادہ ہو چکی ہے اور وہ اس کامیابی پر اللہ تعالیٰ کے شکر گزار ہیں۔انہوں نے کہا کہ یہ مقام انہیں راتوں رات حاصل نہیں ہوا بلکہ اس کے پیچھے 12 سال کی مسلسل محنت، لگن اور جدوجہد شامل ہے۔

رجب بٹ کا شمار پاکستان کے مقبول ترین یوٹیوبرز میں ہوتا ہے۔ انہوں نے مختصر عرصے میں سوشل میڈیا پر غیر معمولی شہرت حاصل کی جبکہ ان کی شاہانہ طرز زندگی، مہنگی گاڑیاں، قیمتی گھڑیاں، غیر ملکی سفر اور پرتعیش شادی بھی اکثر خبروں کی زینت بنتی رہی ہیں۔

ہیں۔ یہ بھی پڑھیں :ثک ٹاکر رجب بٹ اور ندیم نانی والا حکومتی فیصلے کے خلاف عدالت پہنچ گئے

گفتگو کے دوران رجب بٹ نے اپنی کامیابی کا سہرا اللہ تعالیٰ کے فضل، والدین کی دعاؤں اور مسلسل محنت کو دیا۔ ان کا کہنا تھا کہ انہوں نے کبھی مختصر راستہ اختیار نہیں کیا بلکہ برسوں کی انتھک محنت، صبر اور مستقل مزاجی کے بعد یہ مقام حاصل کیا، جس پر وہ خود کو خوش نصیب سمجھتے  ہیں۔

رپورٹس کے مطابق رجب بٹ کی آمدن کے اہم ذرائع میں یوٹیوب، برانڈ پروموشنز، سوشل میڈیا مہمات اور دیگر تجارتی سرگرمیاں شامل ہیں تاہم ان کی دولت سے متعلق حالیہ اعداد و شمار ان کا ذاتی دعویٰ ہیں۔