ہونڈا پرائیڈر اب بھی پاکستان کی 100 سی سی موٹر سائیکل مارکیٹ میں صارفین کی پسندیدہ موٹر سائیکلوں میں شامل ہے۔ مضبوط انجن، بہتر کارکردگی اور مناسب فیول ایوریج کے باعث اسے روزمرہ سفر کرنے والوں کے لیے قابلِ اعتماد انتخاب سمجھا جاتا ہے۔
مارکیٹ ذرائع کے مطابق ہونڈا پرائیڈر ایک لیٹر پٹرول میں تقریباً 45 سے 55 کلومیٹر تک سفر کرنے کی صلاحیت رکھتی ہے۔
اسی وجہ سے ملازمت پیشہ افراد، طلبہ اور روزانہ طویل فاصلہ طے کرنے والے صارفین اس موٹر سائیکل کو ترجیح دیتے ہیں۔ بہتر فیول ایوریج نہ صرف روزانہ کے اخراجات کم کرنے میں مدد دیتی ہے بلکہ موجودہ مہنگائی میں صارفین کے بجٹ پر نسبتاً کم بوجھ ڈالتی ہے۔
ہونڈا پرائیڈر کی ایک نمایاں خصوصیت اس کا 9.7 لیٹر گنجائش رکھنے والا فیول ٹینک ہے۔ زیادہ گنجائش کے باعث طویل سفر کے دوران بار بار پٹرول پمپ جانے کی ضرورت کم ہوجاتی ہے۔
کمپنی کی جانب سے یہ موٹر سائیکل کالے، نیلے اور سرخ رنگوں میں پیش کی جارہی ہے، جس سے خریدار اپنی پسند کے مطابق رنگ کا انتخاب کرسکتے ہیں۔
ہونڈا پرائیڈر کی قیمت میں اضافہ
گزشتہ سال اٹلس ہونڈا نے خام مال، پیداواری لاگت اور دیگر معاشی عوامل میں اضافے کے باعث اپنی مختلف موٹر سائیکلوں کی قیمتوں پر نظرثانی کی تھی۔
اس فیصلے کے بعد ہونڈا پرائیڈر کی قیمت میں بھی اضافہ کیا گیا، جس کے اثرات ملک بھر کی موٹر سائیکل مارکیٹ پر پڑے۔
سال 2026 کے لیے ہونڈا پرائیڈر کی ایکس فیکٹری قیمت 28,900 روپے مقرر کی گئی ہے۔
تاہم خریداروں کو مدنظر رکھنا چاہیے کہ مختلف شہروں میں رجسٹریشن فیس، ٹوکن ٹیکس، انشورنس اور دیگر حکومتی چارجز شامل ہونے کے بعد موٹر سائیکل کی آن روڈ قیمت زیادہ ہوسکتی ہے۔
By 
