وزیراعظم کی کویت کے ولی عہد سے ملاقات، امن و خوشحالی کے فروغ کیلئے مشترکہ عزم کا اعادہ

  وزیراعظم شہباز شریف اور کویت کے ولی عہد شیخ صباح الخالد الحمد الصباح کے درمیان نیویارک میں ملاقات ہوئی، جس میں پاکستان اور کویت کے درمیان دوطرفہ تعلقات اور مختلف شعبوں میں تعاون مزید بڑھانے پر تبادلہ خیال کیا گیا۔

اقوام متحدہ اجلاس کے موقع پر ملاقات

وزیراعظم شہباز شریف اور کویتی ولی عہد کی ملاقات اقوام متحدہ جنرل اسمبلی کے اجلاس کے موقع پر ہوئی، ملاقات میں باہمی دلچسپی کے مختلف امور پر گفتگو کی گئی اور دوطرفہ تعاون کو مزید فروغ دینے پر اتفاق کیا گیا۔

تجارت اور سرمایہ کاری پر زور

وزیراعظم شہباز شریف نے پاکستان اور کویت کے مضبوط اور برادرانہ تعلقات کا ذکر کرتے ہوئے تجارت اور سرمایہ کاری کے شعبوں میں تعاون بڑھانے پر زور دیا،دونوں رہنماؤں نے دوطرفہ اقتصادی روابط کو مزید وسعت دینے اور باہمی دلچسپی کے شعبوں میں تعاون کے امکانات پر بھی تبادلہ خیال کیا۔

توانائی کے شعبے میں تعاون

ملاقات کے دوران توانائی کے شعبے میں پاکستان اور کویت کے درمیان تعاون بڑھانے پر بھی بات چیت ہوئی، وزیراعظم نے دونوں ممالک کے درمیان مختلف شعبوں میں تعاون کو مزید مضبوط بنانے کی اہمیت پر زور دیا،ملاقات میں انسانی وسائل کی ترقی کے شعبے میں پاکستان اور کویت کے تعاون کو مزید وسعت دینے پر بھی گفتگو ہوئی۔

علاقائی صورتحال پر تبادلہ خیال

وزیراعظم شہباز شریف اور کویتی ولی عہد نے علاقائی اور بین الاقوامی صورتحال پر بھی تبادلہ خیال کیا،دونوں رہنماؤں نے خطے اور دنیا میں امن و استحکام کے فروغ کے لیے مشترکہ عزم کا اعادہ کیا، جبکہ خوشحالی کے لیے باہمی تعاون جاری رکھنے پر بھی اتفاق کیا۔

وزیراعظم محمد شہباز شریف کی جنرل اسمبلی کے 81ویں اجلاس کے موقع پر کویت کے ولی عہد، عزت مآب شیخ صباح خالد الحمد الصباح سے ملاقات pic.twitter.com/ua7rj6Asr3

— Shehbaz Digital Media (@ShehbazDigital) September 22, 2026