سرکاری حج اسکیم، دوسری قسط کی ادائیگی کی حتمی تاریخ سامنے آگئی

سرکاری حج اسکیم کے تحت حج واجبات کی دوسری قسط کی ادائیگی کی حتمی تاریخ 20 اکتوبر مقرر کردی گئی ہے، جبکہ اب تک 32 ہزار 178 سرکاری عازمین حج دوسری قسط جمع کراچکے ہیں۔

ترجمان وزارت مذہبی امور کے مطابق 17 ہزار عازمین نے ون لنک کے ذریعے گھر بیٹھے دوسری قسط جمع کرائی، جبکہ 1 ہزار 400 افراد نے بینک کارڈ اور 13 ہزار 800 عازمین نے مینول بینک چالان کے ذریعے ادائیگی کی۔

ترجمان کا کہنا ہے کہ ڈیجیٹل حج پورٹل کے ذریعے گھر بیٹھے آن لائن ادائیگی کا تناسب 57 فیصد سے تجاوز کرگیا ہے، جبکہ حج واجبات کی دوسری قسط کی مد میں اب تک 20.5 ارب روپے وصول ہوچکے ہیں۔

یہ بھی پڑھیں: عازمین حج کے لیے اہم اطلاع، دوسری قسط جمع کرانے کی آخری تاریخ سامنے آگئی

وزارت مذہبی امور کے مطابق عازمین حج واجبات نیشنل آئی ٹی بورڈ کے حج پورٹل کے ذریعے ون لنک، کارڈ یا مینول بینک چالان سے ادا کرسکتے ہیں۔

ترجمان نے بتایا کہ سرکاری حج اسکیم کے 1 لاکھ 3 ہزار عازمین میڈیکل فٹنس سرٹیفکیٹ ایپ پر اپنے سرٹیفکیٹس اپ لوڈ کرچکے ہیں، جبکہ باقی عازمین کے لیے حج پورٹل پر موجود میڈیکل فٹنس فارم کی ڈاکٹر سے تصدیق کرانا لازمی قرار دیا گیا ہے۔