نئے صوبوں کا بگل بج گیا؟ طارق فضل چوہدری نے تمام سیاسی جماعتوں کو اہم پیغام دے دیا

نئے صوبوں کے قیام سے متعلق بحث ایک بار پھر اہمیت اختیار کرگئی ہے۔ وفاقی وزیر طارق فضل چوہدری نے کہا ہے کہ اب وقت آگیا ہے کہ ملک میں نئے صوبوں کے معاملے پر تمام سیاسی جماعتیں مل بیٹھیں اور اس حوالے سے متفقہ لائحہ عمل تیار کریں۔

انہوں نے واضح کیا کہ نئے صوبوں کا قیام کسی ایک سیاسی جماعت یا سیاسی مفاد کا معاملہ نہیں بلکہ پورے پاکستان کا مسئلہ ہے۔ اس لیے اسے سیاسی اختلافات سے بالاتر ہوکر قومی تناظر میں دیکھنے کی ضرورت ہے۔

طارق فضل چوہدری  نجی ٹی وی چینل سے گفتگو کرتے ہوئے کہا کہ   تمام سیاسی جماعتوں کو نئے صوبوں کے معاملے پر ایک ساتھ بیٹھنا چاہیے۔  یہ ایسا معاملہ ہے جس پر قومی اتفاق رائے پیدا کرنا ضروری ہے۔
انہوں نے اپنے مؤقف میں زور دیا کہ نئے صوبوں کی تشکیل کو محض سیاسی بحث تک محدود نہیں رکھنا چاہیے بلکہ اسے پاکستان کی ضروریات کے مطابق زیر غور لانا چاہیے۔ اس معاملے پر مختلف سیاسی جماعتوں کو اپنی تجاویز اور مؤقف سامنے رکھنا چاہیے تاکہ کسی مشترکہ فیصلے کی راہ ہموار ہوسکے۔
نئے صوبوں کا معاملہ پاکستان کی سیاست میں طویل عرصے سے زیر بحث ہے۔ مختلف ادوار میں ملک کے مختلف علاقوں سے انتظامی بنیادوں پر نئے صوبے بنانے کی تجاویز سامنے آتی رہی ہیں۔
  اس بحث میں اختیارات کی نچلی سطح تک منتقلی، انتظامی سہولتوں کی فراہمی اور عوامی مسائل کے حل جیسے پہلو بھی اہمیت رکھتے ہیں۔
طارق فضل چوہدری کے حالیہ بیان نے اس بحث کو دوبارہ قومی سیاسی مکالمے کا موضوع بنا دیا ہے۔
 ان کا کہنا ہے کہ تمام سیاسی جماعتوں کو اس معاملے پر ایک میز پر آکر بات کرنی چاہیے کیونکہ نئے صوبوں کا سوال کسی جماعت کا نہیں بلکہ پاکستان کا معاملہ ہے۔