اسلام آباد سمیت ملک کے مختلف علاقوں میں آج رات بارش کا امکان

محکمہ موسمیات کے مطابق اسلام آباد سمیت ملک کے مختلف علاقوں میں آج شام یا رات کے وقت بارش ہونے کا امکان ہے۔

وفاقی دارالحکومت میں 14، 15 اور 16 مارچ کے دوران موسلادھار بارش کی توقع ہے جبکہ مری اور دیگر پہاڑی علاقوں میں شدید برفباری کے بھی امکانات ہیں۔

مزید پڑھیں: پیٹرول اور ڈیزل کی قیمتوں میں نمایاں کمی کا امکان

محکمہ موسمیات کے ڈپٹی ڈائریکٹر میٹ انجم نذیر ضیغم نے بتایا کہ کراچی میں گرمی کی شدت برقرار ہے، جہاں آج بھی درجہ حرارت 39 ڈگری سینٹی گریڈ ریکارڈ کیا گیا۔ تاہم انہوں نے کراچی کے رہائشیوں کو خوشخبری سناتے ہوئے کہا کہ شہر میں کل سے موسم بہتر ہونے کے واضح اشارے ہیں۔