سفارتی کامیابیوں کے بعد ملکی معیشت کے لیے بھی بڑی خوشخبری، پاکستان کے زرمبادلہ ذخائر میں اضافہ

 پاکستان کے لیے سفارتی محاذ پر کامیابیوں اور بین الاقوامی سطح پر بڑھتی سرگرمیوں کے بعد ملکی معیشت سے بھی مثبت خبر سامنے آگئی ہے۔
ملک کے مجموعی زرمبادلہ ذخائر میں 11 کروڑ 10 لاکھ ڈالر کا اضافہ ریکارڈ کیا گیا ہے  جس کے بعد ان کا حجم 26 ارب 86 کروڑ ڈالر تک پہنچ گیا۔

اسٹیٹ بینک آف پاکستان کے تازہ اعداد و شمار کے مطابق ملکی زرمبادلہ ذخائر میں ہونے والا یہ اضافہ مرکزی بینک اور کمرشل بینکوں دونوں کے ذخائر میں بہتری کے باعث سامنے آیا ہے۔ ایک ہفتے کے دوران مجموعی ذخائر میں کروڑوں ڈالر کا اضافہ ریکارڈ کیا گیا۔

 یہ بھی پڑھیں :ملکی زرمبادلہ ذخائر 26 ارب 83 کروڑ ڈالر سےتجاوز کر گئے،اسٹیٹ بینک کے ذخائر میں اضافہ

اعداد و شمار کے مطابق اسٹیٹ بینک کے پاس موجود زرمبادلہ ذخائر میں 4 کروڑ ڈالر کا اضافہ ہوا ہے۔ اس اضافے کے بعد مرکزی بینک کے ذخائر بڑھ کر 21 ارب 56 کروڑ ڈالر کی سطح پر پہنچ گئے ہیں۔

دوسری جانب کمرشل بینکوں کے ذخائر میں بھی نمایاں اضافہ ریکارڈ کیا گیا۔ ان کے زرمبادلہ ذخائر 7 کروڑ 10 لاکھ ڈالر  سے بڑھ کر 5 ارب 30 کروڑ ڈالر ہوگئے ہیں۔

اس طرح مرکزی بینک اور کمرشل بینکوں کے ذخائر میں مجموعی طور پر 11 کروڑ 10 لاکھ ڈالر کا اضافہ ہوا جس کے نتیجے میں پاکستان کے مجموعی زرمبادلہ ذخائر 26 ارب 86 کروڑ ڈالر تک پہنچ گئے۔

مرکزی بینک اور کمرشل بینکوں کے ذخائر میں اضافہ

تازہ اعداد و شمار کے مطابق مجموعی اضافے میں دونوں مالیاتی شعبوں کا حصہ شامل ہے۔ اسٹیٹ بینک کے ذخائر میں 4 کروڑ ڈالر جبکہ کمرشل بینکوں کے ذخائر میں 7 کروڑ 10 لاکھ ڈالر کا اضافہ ہوا۔

  یہ بھی پڑھیں :ملکی زرمبادلہ ذخائر میں بڑا اضافہ،پاکستان کے پاس کتنے ارب ڈالر ہوگئے؟

زرمبادلہ ذخائر میں بہتری ملکی معیشت کے لیے ایک مثبت پیش رفت ہے۔ ان ذخائر کی اہمیت بیرونی ادائیگیوں، درآمدی ضروریات اور بین الاقوامی مالیاتی معاملات میں بھی نمایاں ہوتی ہے۔

پاکستان کے مجموعی زرمبادلہ ذخائر کا 26 ارب 86 کروڑ ڈالر تک پہنچنا تازہ معاشی اعداد و شمار میں اہم پیش رفت ہے۔ اسٹیٹ بینک کے جاری کردہ اعداد و شمار نے ملکی ذخائر میں اضافے کی تصدیق کردی ہے۔