عیدالاضحیٰ کی تعطیلات ، بینک کتنے دن بند رہیں گے؟ شیڈول آگیا

اسٹیٹ بینک آف پاکستان نے عید الاضحیٰ کے موقع پر 3 روزہ عام تعطیلات کا باضابطہ اعلان کر دیا ہے جس کے تحت ملک بھر میں بینکاری نظام جزوی طور پر معطل رہے گا۔

مرکزی بینک کی جانب سے جاری کردہ اعلامیے کے مطابق بینک دولت پاکستان عید الاضحیٰ کی تعطیلات کے باعث 26 سے 28 مئی 2026ء (منگل تا جمعرات) تک مکمل طور پر بند رہے گا۔ ان دنوں کے دوران اسٹیٹ بینک کے تمام دفاتر میں دفتری اور کاروباری سرگرمیاں معطل رہیں گی۔

اعلامیے میں واضح کیا گیا ہے کہ ان تعطیلات کے دوران بینکاری نظام کے اندرونی آپریشنز، انتظامی امور اور ریگولیٹری سرگرمیاں بھی روک دی جائیں گی جبکہ صارفین کو براہِ راست خدمات فراہم نہیں کی جائیں گی۔

یہ بھی پڑھیں:عید کی چھٹیوں کے دوران ہیٹ ویو کا خطرہ، عوام الرٹ رہیں،محکمہ موسمیات کا انتباہ جاری

اسٹیٹ بینک کے مطابق عید الاضحیٰ کی تعطیلات کے بعد بینکنگ سرگرمیاں دوبارہ معمول کے مطابق شروع ہو جائیں گی۔ بینک 29 مئی 2026ء بروز جمعہ سے کھلیں گے اور تمام برانچیں صارفین کو معمول کی بینکاری سہولیات فراہم کریں گی۔

عید الاضحیٰ کی ان تعطیلات کے دوران شہریوں کو ہدایت کی جاتی ہے کہ وہ اپنے مالی معاملات پہلے سے مکمل کر لیں تاکہ کسی بھی قسم کی دشواری سے بچا جا سکے۔