بیوروکریسی کی تنخواہیں، مراعات اور پنشن ترقیاتی بجٹ کھا گئی

خیبرپختونخوا میں 7سال کے دوران جاری اخراجات میں 1000ارب روپے سے زائد کا حیران کن اور خطیر اضافہ دیکھنے میں آیا ہے سال2020-21ء کے دوران جاری اخراجات کا بجٹ 537ارب73کروڑ روپے تھا جبکہ رواں مالی سال2026-27ء کیلئے جاری اخراجات بجٹ کا تخمینہ ایک ہزار 645 ارب روپے لگایاگیا ہے۔

دوسری جانب پانچ سال کے دوران 2020-21سے2024-25ء تک ترقیاتی بجٹ میں صرف 31ارب81کروڑ روپے کا اضافہ دیکھنے میں آیا تاہم گزشتہ مالی سال2025-26ء کے دوران ترقیاتی بجٹ 608ارب روپے ظاہر کیا گیا

ایک طرف بیوروکریسی اور سرکاری ملازمین کے جاری اخراجات یعنی تنخواہوں اور مراعات میں بے تحاشا اضافہ ہو رہا ہے جبکہ دوسری جانب ترقیاتی بجٹ سکڑتی جارہی ہے۔

اس عرصہ کے دوران جہاں وفاق کی جانب سے ساتویں قومی مالیاتی کمیشن ایوارڈ اور شدت پسندی کے خلاف جنگ کی مدمیں خیبرپختونخوا حکومت کو 3ہزار 647ارب 64کروڑ90لاکھ روپے موصول ہونے تھے وہا ں صوبائی حکومت کو 3ہزار488ارب 67کروڑ50لاکھ روپے موصول ہو چکے ہیں 5سال کے دوران وفاق نے دونوں مدات میں خیبر پختونخوا کو 158ارب 97کروڑ روپے کم ملے ہیں

جاری اخراجات اور ترقیاتی بجٹ

محکمہ خزانہ کی دستیاب دستاویزات کے مطابق سال2020-21ء میں جاری اخراجات یعنی تنخواہوں اور مراعات کا بجٹ599ارب63کروڑ20لاکھ روپے تھا جو7سال 2026-27ء میں بڑھ کر ایک ہزار645ارب روپے تک پہنچ گئی جبکہ گزشتہ سا ل کے عرصہ میں خیبرپختونخوا کے ترقیاتی بجٹ میں صرف31ارب 81کروڑ روپے کا اضافہ دیکھنے میں آیا

سال2020-21ء میں صوبے کا ترقیاتی بجٹ 164 ارب39 کروڑ60لاکھ روپے تھا جبکہ پانچ سال بعد 2024-25میں 196ارب20کروڑ60لاکھ روپے تک پہنچ گیا اس عرصہ کے دوران ترقیاتی بجٹ میں صرف31ارب81کروڑ روپے اضافہ کیا گیاسال 2025-26ء کے دوران ترقیاتی بجٹ کا مجموعی حجم608ارب روپے ظاہر کیا گیا۔

دستاویزات کے مطابق گزشتہ 5سال کے دورن بندوبستی اضلاع کیلئے جاری اخراجات کے بجٹ میں 584ارب42کروڑ10لاکھ روپے جبکہ ترقیاتی بجٹ میں 30ارب15 کروڑ10لاکھ روپے کا اضافہ کیا گیااسی طرح قبائلی اضلاع کیلئے جاری اخراجات کے بجٹ میں 47ارب94 کروڑ 60لاکھ روپے جبکہ ترقیاتی بجٹ میں صرف ایک ارب65کروڑ90لاکھ روپے کا اضافہ کیا گیا۔

دستاویزات کے مطابق پانچ سال کے دوران قومی مالیاتی کمیشن ایوارڈ کی مد میں خیبر پختونخوا کو3ہزار256ارب34کروڑ60لاکھ روپے ملنے تھے تاہم 114ارب89کروڑ60لاکھ کی کمی سے صوبے کو 3ہزار114ارب45کروڑ روپے موصول ہوئے جبکہ شدت پسندی کے خلاف جنگ میں 391ارب 30کروڑ30لاکھ روپے ملنے تھے تاہم 17ارب7کروڑ90لاکھ کی کمی سے 374ارب 22کروڑ 40لاکھ روپے مل سکے۔

سال2020-21ء کے دوران جاری اخراجات کا بجٹ 537ارب73کروڑ70لاکھ روپے تھا جو2021-22ء میں 22ارب20کروڑ50لاکھ روپے اضافہ کیساتھ 559ارب94کروڑ20لاکھ روپے اضفہ تک پہنچ گیا

ایک ہی سال بعد یعنی سال2022-23ء کے دوران جاری اخراجات کا بجٹ 80ارب89کروڑ30لاکھ روپے اضافہ کیساتھ 640ارب83کروڑ 50لاکھ روپے تک پہنچ گیاایک ہی سال می یعنی سال2023-24ء کے دوران تنخواہوں اور مراعات کے اس بجٹ میں حیران کن طور پر 215ارب16 کروڑ10لاکھ روپے کا اضافہ دیکھنے میں آیا اور جاری اخراجات کا بجٹ 855ارب99کروڑ60لاکھ روپے تک پہنچ گیایہ سلسلہ یہاں پر رکا نہیں ایک سال بعد یعنی سال2024-25ء کے دوران جاری اخراجات کا یہ بجٹ 266ارب 16کروڑ20لاکھ روپے خطیر اضافہ کے بعد ایک ہزار122 ارب 15کروڑ80لاکھ روپے تک پہنچ گیا۔