مہنگائی کے ستائے عوام اکو ایک نئی پریشانی نے گھیر لیا جہاں لاہور کی اوپن مارکیٹ میں ایل پی جی کی قیمتیں 400 روپے فی کلو سے تجاوز کرگئی ہیں ۔
لاہور میں ایل پی جی کے ریٹس میں بڑا اضافہ
میڈیا رپورٹ کے مطابق صوبائی دارالحکومت لاہور میں ایل پی جی کی قیمتوں نے عوام کو پریشان کر دیا ایک طرف تو دو وقت کی روٹی کیلئے گیس دستیاب نہیں وہیں دوسری جانب اس کے متبادل ایل پی جی کی قیمتیں بھی شہریوں کی مشکلات میں اضافہ کررہی ہیں ۔
سرکاری نرخ 258، مارکیٹ میں 440 روپے کلو
لاہور میں حکومت کی جانب سے ایل پی جی کا ریٹ 258 روپے فی کلو مقرر کیا گیا ہے تاہم پرچون مارکیٹ میں ایل پی جی 400 سے 440 روپے فی کلو میں فروخت ہو رہی ہے۔
شہریوں کا قیمتیں سرکاری نرخ پر لانے کا مطالبہ
سرکاری اور اوپن مارکیٹ کے نرخوں میں نمایاں فرق کے باعث شہری مہنگے داموں ایل پی جی خریدنے پر مجبور ہیں اور دکانداروں کی جانب سے من مانے نرخ وصول کیے جانے پر شہریوں میں بھی شدید غم و غصہ پایا جاتا ہے۔
شہریوں نے مطالبہ کیا ہے کہ ایل پی جی کے ریٹس کو سرکاری نرخوں پر لایا جائے اور زائد قیمت پر فروخت کا سلسلہ ختم کرکے انہیں ریلیف فراہم کیا جائے۔
By 
