انگور اڈہ میں   افغان طالبان کی جانب سے شہری آبادی کو نشانہ بنانے کی اطلاعات، پاکستانی فورسز کا مؤثر جواب، متعدد پوسٹیں تباہ

انگور اڈہ میں افغان طالبان حکومت کی جانب سے شہری آبادی  کو نشانہ بنائے جانے کی اطلاعات ہیں، جس کے نتیجے میں شہریوں کے جانی نقصان کا خدشہ ظاہر کیا جا رہا ہے۔

 اطلاعات کے مطابق افغان طالبان حکومت کی جانب سے مبینہ بلااشتعال جارحیت کے جواب میں پاکستانی فورسز کی کارروائی جاری ہے، جس کے دوران طالبان کی متعدد پوسٹیں تباہ کیے جانے کی اطلاع ہے۔پاک فوج کی بھرپور جوابی کاروائی سے افغان طالبان پوسٹیں  چھوڑ کر بھاگنے پر مجبور ہوگئے ہیں۔

اطلاعات میں افغان طالبان کی جانب بھی متعدد ہلاکتوں کی نشاندہی کی گئی ہے۔

یہ بھی پڑھیں: انگور اڈہ میں افغان فورسز کی اشتعال انگیزی ، پاک فوج کا توپ خانے سے بھرپور جواب ، طالبان پوسٹیں چھوڑ کر بھاگ گئے

سیکیورٹی ذرائع کے مطابق پاکستانی فورسز سرحدی علاقوں پر مکمل کنٹرول برقرار رکھے ہوئے ہیں اور دشمن کی جارحیت کا بھرپور جواب دینے کے لیے ہمہ وقت تیار ہیں۔