میں نے ایسا کوئی خط نہیں لکھا،شاہ غلام قادر نے وائرل خط کو جعلی قرار دے دیا

صدر مسلم لیگ (ن) آزاد کشمیر شاہ غلام قادر نے سوشل میڈیا پر تیزی سے وائرل ہونے والے اپنے نام سے منسوب خط پر خاموشی توڑتے ہوئے اسے جعلی قرار دے دیا۔

کشمیر ڈیجیٹل سے خصوصی گفتگو کرتے ہوئے شاہ غلام قادر نے واضح کیا کہ انہوں نے ایسا کوئی خط تحریر یا جاری نہیں کیا،ان کا کہنا تھا کہ سوشل میڈیا پر گردش کرنے والی دستاویز فیک ہے اور بظاہر اسے مصنوعی ذہانت (اے آئی) کی مدد سے تیار کیا گیا ہے۔

میں نے ایسا کوئی خط نہیں لکھا

شاہ غلام قادر نے اپنے نام سے منسوب خط کے حوالے سے پھیلنے والی اطلاعات کی تردید کرتے ہوئے کہا کہ ان کی جانب سے ایسا کوئی خط جاری نہیں کیا گیا۔

انہوں نے واضح کیا کہ سوشل میڈیا پر وائرل دستاویز کو ان کی طرف سے جاری کردہ سرکاری یا سیاسی مؤقف تصور نہ کیا جائے ان کے مطابق مذکورہ خط ان سے منسوب کرکے سوشل میڈیا پر پھیلایا جا رہا ہے، جو حقیقت پر مبنی نہیں۔

اے آئی سے جعلی مواد

صدر مسلم لیگ (ن) آزاد کشمیر کا کہنا تھا کہ موجودہ دور میں مصنوعی ذہانت اور ڈیجیٹل ٹیکنالوجی کے ذریعے جعلی دستاویزات، تصاویر اور بیانات تیار کرکے انہیں حقیقی ظاہر کرنا آسان ہوگیا ہے۔

انہوں نے کہا کہ اسی وجہ سے سوشل میڈیا پر سامنے آنے والی ہر دستاویز یا خبر کو بغیر تصدیق درست سمجھنا مناسب نہیں  اہم سیاسی معاملات سے متعلق کسی بھی خط یا بیان کی حقیقت جاننے کے لیے اس کے اصل ماخذ سے تصدیق ضروری ہے۔

سیاسی حلقوں میں تشویش

سیاسی حلقوں میں بھی جعلی دستاویزات اور مصنوعی ذہانت سے تیار کردہ مواد کے بڑھتے ہوئے استعمال پر تشویش کا اظہار کیا جا رہا ہےماہرین کے مطابق ڈیجیٹل پلیٹ فارمز پر کسی بھی اہم سیاسی بیان، خط یا دستاویز کی تصدیق اس کے اصل ماخذ، متعلقہ شخصیت یا ادارے سے کرنا ضروری ہے تاکہ جعلی مواد کو حقیقت سمجھ کر پھیلانے سے بچا جا سکے۔

واضح رہے کہ شاہ غلام قادر نے کشمیر ڈیجیٹل سے گفتگو کے دوران اپنے نام سے منسوب وائرل خط کی مکمل تردید کرتے ہوئے اسے جعلی اور اے آئی سے تیار کردہ قرار دیا ہے اور کہا ہے کہ انہوں نے ایسا کوئی خط نہیں لکھا۔