ٹیلر سوئفٹ نے بیونسے کو پیچھے چھوڑ دیا، نیا ریکارڈ قائم

معروف امریکی گلوکارہ ٹیلر سوئفٹ نے 2026 کے ایم ٹی وی ویڈیو میوزک ایوارڈز میں نئی تاریخ رقم کردی۔ وہ وی ایم ایز کی تاریخ میں سب سے زیادہ ایوارڈز جیتنے والی فنکار بن گئی ہیں۔

ٹیلر سوئفٹ نے پہلی بار دیے جانے والے آرٹسٹ ڈائریکٹر آنرز کا ایوارڈ حاصل کیا، جس کے بعد ان کے وی ایم ایز ایوارڈز کی مجموعی تعداد 31 ہوگئی۔ اس سے قبل ٹیلر سوئفٹ اور بیونسے 30، 30 ایوارڈز کے ساتھ مشترکہ طور پر سب سے زیادہ ایوارڈز جیتنے والی فنکار تھیں۔

20 سال میں تقریباً 60 میوزک ویڈیوز

ایوارڈ وصول کرتے ہوئے ٹیلر سوئفٹ نے بتایا کہ وہ گزشتہ 20 برس سے میوزک ویڈیوز کی تیاری کا حصہ رہی ہیں اور اب تک تقریباً 60 میوزک ویڈیوز میں کام کرچکی ہیں۔ ان کے مطابق ان میں سے 18 میوزک ویڈیوز کی تحریر اور ہدایت کاری بھی انہوں نے خود کی ہے۔

آرٹسٹ ڈائریکٹر آنرز ایسے فنکاروں کو دیا جاتا ہے جنہوں نے کیمرے کے پیچھے اپنے کام کے ذریعے میوزک ویڈیوز میں بصری کہانی سنانے کے انداز کو آگے بڑھانے میں نمایاں کردار ادا کیا ہو۔

یہ بھی پڑھیں:ماورا حسین کی سادگی سے بھرپور سالگرہ، امیر گیلانی کیساتھ تصاویر نے مداحوں کے دل جیت لیے

ویڈیو آف دی ایئر کا ایوارڈ بھی جیت لیا

ٹیلر سوئفٹ نے اپنے گانے دی فیٹ آف اوفیلیا کے لیے ویڈیو آف دی ایئر کا ایوارڈ بھی اپنے نام کرلیا۔ انہوں نے یہ اعزاز آنجہانی گلوکارہ ڈولی پارٹن کے نام کردیا۔

تقریب کے دوران ٹیلر سوئفٹ نے اپنے نئے گانے پیشنٹ زیرو کی میوزک ویڈیو بھی پہلی بار پیش کی۔ اس ویڈیو کی ہدایت کاری بھی انہوں نے خود کی ہے۔یوں 2026 کے وی ایم ایز ٹیلر سوئفٹ کے لیے نہ صرف نئے اعزازات بلکہ ایک تاریخی سنگ میل کا باعث بھی بن گئے۔