نیٹ فلکس کی نئی کرائم تھرلر (Unabomber) دنیا بھر میں سب سے زیادہ دیکھی جانے والی فلم بن گئی ہے۔
نیٹ فلکس کی نئی کرائم تھرلر فلم (Unabomber) تیزی سے اسٹریمنگ سروس کے عالمی فلم چارٹ میں سرفہرست آ گئی ہے اور ریلیز کے محض ایک دن بعد ہی پہلے نمبر پر براجمان ہے۔
فلم کی کاسٹ میں شیلین ووڈلی، اینابیل والس، الیگزینڈر لڈوگ، اسٹیون اوگ اور مارک مینچاکا بھی شامل ہیں۔
‘فلکس پیٹرول’ کے مطابق رسل کرو اور جیکب ٹریمبلے کی اداکاری پر مبنی یہ فلم 25 ستمبر کو نیٹ فلکس پر ریلیز ہوئی اور اگلے ہی دن دنیا بھر میں پلیٹ فارم کی نمبر ون فلم بن گئی۔
کرائم تھرلر فلم نے امریکا، برطانیہ، آسٹریلیا، کینیڈا، جرمنی اور اٹلی سمیت کئی بڑی مارکیٹوں میں بھی دھوم مچادی ہے۔
‘اسکرین رینٹ’ نے نیٹ فلکس کی عالمی درجہ بندی میں فلم کے مقام کی بنیاد پر اس کی ابتدائی کارکردگی کو دنیا کی سب سے زیادہ دیکھی جانے والی فلم قرار دیا ہے۔
جینس میٹز کی ہدایت کاری میں بننے والی یہ فلم ٹیڈ کازنسکی (Ted Kaczynski) کی کہانی بیان کرتی ہے جو امریکا میں بم دھماکوں کے سلسلے کا ذمہ دار ایک مقامی دہشت گرد تھا۔
فلم میں کازنسکی کے ہارورڈ میں گزارے گئے وقت اور ان متنازعہ نفسیاتی تجربات کا احاطہ کیا گیا ہے جن میں انہوں نے حصہ لیا تھا جس کے بعد فلم اس تفتیش کا رخ کرتی ہے جس کے نتیجے میں بالآخر اس کی گرفتاری عمل میں آئی۔
By 
