پاک بھارت کرکٹ فائنل پر بارش کا سایہ! میچ نہ ہونے کی صورت میں گولڈ میڈل کس کو ملے گا؟

ایشین گیمز 2026 کے مینز کرکٹ ایونٹ کا فائنل آج پاکستان اور بھارت کے درمیان کھیلا جائے گا۔ پاکستان نے سیمی فائنل میں بنگلادیش کو 6 وکٹوں سے شکست دی تھی، جبکہ بھارت نے سری لنکا کو 124 رنز سے ہرایا تھا۔

دونوں ٹیمیں گولڈ میڈل پر قبضہ جمانے کے لیے بھرپور تیاری کے ساتھ میدان میں اترنے کو تیار ہیں۔

بارش کے باعث فائنل متاثر ہونے کا خدشہ

جاپان کے شہر نشین میں ہونے والے اس اہم فائنل پر بارش کے بادل منڈلا رہے ہیں۔ موسم کی پیش گوئی کے مطابق ہفتے کی صبح بارش کا امکان 62 فیصد تک جایا جا سکتا ہے۔ اگر بارش کی وجہ سے میچ منسوخ ہو جاتا ہے، تو اس بار قواعد میں اہم تبدیلی کی گئی ہے۔

گولڈ میڈل کا نیا اور مشترکہ قانون

سال 2023 کے ایشین گیمز میں بارش کی صورت میں بہتر رینکنگ والی ٹیم یعنی بھارت کو چیمپئن قرار دیا گیا تھا۔

تاہم جاپان میں جاری موجودہ ایڈیشن میں یہ پرانا اصول لاگو نہیں ہوگا۔ نئے قواعد کے مطابق اگر فائنل میچ بغیر کسی نتیجے کے ختم ہوا تو پاکستان اور بھارت دونوں کو مشترکہ طور پر گولڈ میڈل دیا جائے گا۔