شہدا کی فکر نہ امن و امان کی، وزیراعلیٰ سہیل آفریدی کی کرسی پر دبائو پڑا تو کابینہ کا اجلاس یاد آگیا

شہدا کی فکر نہ امن و امان کی، وزیراعلیٰ سہیل آفریدی کی کرسی پر دبائو پڑا تو کابینہ کا اجلاس یاد آگیا

خیبر پختونخوا کے وزیراعلیٰ سہیل آفریدی نے کابینہ کا ہنگامی اجلاس طلب کر لیا ہے۔

اجلاس ایسے وقت طلب کیا گیا ہے جب صوبے میں سیاسی کشیدگی کے ساتھ سیکیورٹی صورتحال بھی تشویش کا باعث بنی ہوئی ہے۔

ذرائع اور سوشل میڈیا صارفین کے مطابق وزیراعلیٰ کی جانب سے ہنگامی اجلاس طلب کرنے کا فیصلہ سیاسی طور پر انتہائی اہم ہے۔

 مذکورہ  حلقوں کا کہنا ہے کہ صوبے میں دہشتگردی کے متعدد واقعات کے باوجود وزیراعلیٰ کی جانب سے اس نوعیت کا فوری اجلاس نہیں بلایا گیا۔

 یہ بھی پڑھیں :   ناچنے والے گھوڑے میدان میں نہیں دوڑتے  فیصل کریم کنڈی نے سہیل آفریدی کو آڑے ہاتھوں لے لیا

حالیہ دنوں میں سیکیورٹی واقعات میں اہلکاروں کی شہادتیں بھی ہوئی ہیں۔ان واقعات کے بعد بھی وزیراعلیٰ کی جانب سے فوری طور پر اجلاس طلب نہ کیے جانے پر سوشل میڈیا پر تنقید سامنے آئی۔

گورنر سے ملاقات

سہیل آفریدی کی جانب سے کابینہ اجلاس طلب کرنے کا معاملہ چیف سیکرٹری اور آئی جی کی گورنر سے ملاقات کے بعد اہمیت اختیار کر گیا ہے۔

اس ملاقات کے بعد سوشل میڈیا پر وزیراعلیٰ کی اجازت اور صوبائی حکومت کے انتظامی اختیار سے متعلق بحث  بھی  چھڑ گئی ۔

سوشل میڈیا صارفین کا کہنا ہے کہ اعلیٰ افسران کی گورنر سے ملاقات کے بعد وزیراعلیٰ کی جانب سے ہنگامی اجلاس طلب کرنا محض انتظامی سرگرمی نہیں۔

موجودہ سیاسی حالات میں اس فیصلے کو صوبائی حکومت کی اندرونی صورتحال سے بھی جوڑا جا رہا ہے۔

دہشتگردی کے واقعات

ذرائع اور سوشل میڈیا صارفین کی جانب سے وزیراعلیٰ کے حالیہ طرزعمل پر بھی تنقید کی جا رہی ہے۔

ان کا کہنا ہے کہ صوبے میں دہشتگردی کے واقعات ہوتے رہے اور سیکیورٹی اہلکار اپنی جانیں قربان کرتے رہے۔

ایسے واقعات کے بعد وزیراعلیٰ کی جانب سے فوری طور پر ہنگامی اجلاس طلب کرنے کے بجائے خاموشی اختیار کی گئی۔

حالیہ واقعے میں ایک پولیس اہلکار اور کسٹمز کے چار افسران سمیت پانچ افراد شہید ہوئے۔لیکن وزیر اعلی کی جانب سے اس پر اجلاس کیوں نہیں بلایا گیا ۔

سوشل میڈیا صارفین کی جانب سے شہید اہلکاروں کے جنازوں میں وزیراعلیٰ کی شرکت نہ ہونے پر بھی تنقید کی گئی۔

 یہ بھی پڑھیں :کے پی حکومت اب ان کے ہاتھ میں نہیں، شیر افضل مروت نے تصادم کے بجائے گرفتاریوں کی پیشگوئی کر دی

سیکیورٹی اہلکاروں کی شہادتوں کے وقت وزیراعلیٰ کے پاس اجلاس تو دور کی بات جنازوں کے لیے وقت نہیں تھا۔

وفاقی اجلاسوں پر تنقید

سوشل میڈیا صارفین نے وفاقی سطح پر ہونے والے اجلاسوں میں وزیراعلیٰ کی عدم شرکت کو بھی تنقید کا نشانہ بنایا ہے۔

ان کے مطابق وفاق میں اہم اجلاس منعقد ہوتے ہیں جن میں صوبوں کے وزرائے اعلیٰ شرکت کرتے ہیں۔

تاہم سہیل آفریدی کی جانب سے ایسے اجلاسوں میں شرکت نہ کرنے پر بھی سوالات اٹھتے رہے ہیں۔

سوشل میڈیا صارفین کا کہنا ہے کہ صوبے کے اہم انتظامی اور سیکیورٹی معاملات میں وزیراعلیٰ کی فعال موجودگی ضروری ہے۔

ان کے مطابق جب دہشتگردی کے واقعات پیش آئے تو حکومت کی ترجیحات کچھ اور تھیں ۔

اقتدار کا معاملہ

ذرائع کے مطابق موجودہ صورتحال میں ہنگامی کابینہ اجلاس نے سیاسی بحث کو مزید تیز کر دیا ہے۔

  اب جب صوبائی حکومت کے سیاسی مستقبل اور گورنر کے کردار سے متعلق بحث شدت اختیار کر رہی ہے تو ہنگامی کابینہ اجلاس طلب کر لیا گیا ہے۔

سوشل میڈیا صارفین اسے وزیراعلیٰ کی سیاسی ترجیحات سے جوڑ رہے ہیں۔

ان کے مطابق صوبے کے امن اور شہید اہلکاروں کے معاملات پر فوری اجلاس نہ بلانے والی حکومت نے اقتدار کو درپیش خطرے  کےباعث ہنگامی کابینہ اجلاس طلب کر لیا ہے۔

 

editor

Related Articles