نئے صوبوں پر واویلا مچانے والے بلاول اپنے ہی ضلع لاڑکانہ میں یوریا چوروں کو لگام دینے میں ناکام، 40 ہزار بوریاں برآمد

نئے صوبوں  پر واویلا مچانے والے بلاول اپنے ہی ضلع لاڑکانہ میں یوریا چوروں کو لگام دینے میں ناکام، 40 ہزار بوریاں برآمد

پاکستان پیپلزپارٹی کے چیئرمین بلاول بھٹو زرداری ایک طرف نئے صوبوں کے قیام کی مخالفت کر رہے ہیں، دوسری جانب ان کے آبائی ضلع لاڑکانہ میں کھاد کی ذخیرہ اندوزی کا بڑا معاملہ سامنے آگیا، جہاں کارروائی کے دوران یوریا کھاد کی 40 ہزار بوریاں برآمد کرکے گودام سیل کر دیا گیا۔

سندھ میں پیپلزپارٹی کی طویل حکمرانی کے باوجود کسانوں کو کھاد کی مصنوعی قلت، ذخیرہ اندوزی اور مہنگے داموں فروخت جیسے مسائل کا سامنا ہے۔ لاڑکانہ میں یوریا کھاد کی ہزاروں بوریوں کی برآمدگی نے صوبے میں زرعی شعبے کی صورتحال اور کسانوں کو درپیش مشکلات کو ایک بار پھر نمایاں کر دیا ہے۔

بلاول بھٹو زرداری نئے صوبوں کے قیام کی مخالفت کرتے ہوئے موجودہ صوبائی ڈھانچے کے برقرار رہنے کے حق میں مؤقف اختیار کرتے ہیں، لیکن سندھ میں عوام کو بنیادی سہولتوں کی فراہمی، انتظامی مسائل کے حل اور کسانوں کو ریلیف دینے کے حوالے سے پیپلزپارٹی کی صوبائی حکومت کی کارکردگی بھی اہم سوال بن چکی ہے۔

بلاول کے اپنے آبائی ضلع لاڑکانہ میں 40 ہزار بوریاں یوریا کھاد کی برآمدگی اس امر کو نمایاں کرتی ہے کہ کسانوں کو کھاد کی بروقت اور مناسب قیمت پر فراہمی یقینی بنانے کے لیے مؤثر اقدامات کی ضرورت ہے۔ کھاد کی ذخیرہ اندوزی سے نہ صرف کسانوں کی مشکلات بڑھتی ہیں بلکہ زرعی اخراجات میں اضافے اور فصلوں کی پیداوار متاثر ہونے کے خدشات بھی پیدا ہوتے ہیں۔

سوال یہ ہے کہ سندھ میں طویل عرصے سے حکومت کرنے والی پیپلزپارٹی کسانوں کو کھاد کی مصنوعی قلت اور مہنگے داموں فروخت سے نجات دلانے میں کب کامیاب ہوگی؟ بلاول بھٹو نئے صوبوں کی مخالفت تو کر رہے ہیں، لیکن اپنے آبائی ضلع سمیت سندھ کے پسماندہ علاقوں میں عوام کو بنیادی سہولتیں، کسانوں کو ریلیف اور بہتر انتظامی نظام فراہم کرنے کے لیے کیا اقدامات کیے جا رہے ہیں؟نئے صوبوں کے قیام پر سیاسی مؤقف اختیار کرنے کے ساتھ عوامی مسائل کا حل بھی سیاسی قیادت اور صوبائی حکومت کی بنیادی ذمہ داری ہے۔

editor

Related Articles