“تہران پر حملہ ہوا تو پورا خطہ مفلوج ہو جائے گا” ایران نے سمندر کے اندر سے بدلہ لینے کا حیران کا دعوی کر دیا

ایران نے امریکا اور اسرائیل کی جانب سے دوبارہ حملوں کی صورت میں خلیج میں زیرِ سمندر بچھائی گئی مواصلاتی کیبلز کو نشانہ بنانے کے منصوبے تیار کرلیے ہیں۔
دو  سینئر ایرانی سکیورٹی حکام نے خبر رساں ادارے رائٹرز کو بتایا کہ تہران نے ممکنہ نئے تنازع کی صورت میں ان کیبلز کو اہداف میں شامل کرنے کی تیاری کی ہے۔

ان حکام کے مطابق واشنگٹن کے ساتھ سفارتی کوششیں ناکام ہونے اور دوبارہ تنازع شروع ہونے کی صورت میں خطے کی زیرِ سمندر مواصلاتی کیبلز کو نشانہ بنایا جا سکتا ہے۔
مرمت روکنے کا منصوبہ
نام ظاہر نہ کرنے کی شرط پر گفتگو کرنے والے دونوں ایرانی حکام نے ممکنہ حملوں کے طریقہ کار اور مقامات کی تفصیلات فراہم نہیں کیں۔

 یہ بھی پڑھیں :ایران امریکہ مذاکرات ، پزشکیان کے بیان میں نے ہلچل مچا دی
تاہم ان میں سے ایک اہلکار نے بتایا کہ ایران کا مقصد کسی حملے کے بعد ان کیبلز کی مرمت کے عمل میں رکاوٹ ڈالنا ہوگا۔

ان کے مطابق اس حکمت عملی کے ذریعے انٹرنیٹ کنکشنز اور دیگر مواصلاتی نظام میں پیدا ہونے والے تعطل کو طویل عرصے تک برقرار رکھنے کی کوشش کی جا سکتی ہے۔
سفارت کاری سے جڑا معاملہ
ایرانی حکام کے یہ بیانات امریکا کے ساتھ سفارتی کوششوں کی ناکامی اور ممکنہ نئے تنازع کے تناظر میں سامنے آئے ہیں۔

ان کے مطابق امریکا اور اسرائیل کی جانب سے دوبارہ حملوں کی صورت میں زیرِ سمندر مواصلاتی کیبلز بھی ممکنہ اہداف میں شامل ہو سکتی ہیں۔