By خواجہ آصف نے ایکس پر اپنے پیغام میں کہا ہے کہ وزیراعظم شہباز شریف نے وزیراعظم یوتھ کروم بُک اسکیم کے تحت ہر سال ڈھائی لاکھ اور دو سال میں مجموعی طور پر پانچ لاکھ کروم بُکس فراہم کرنے کا فیصلہ کیا ہے، جن میں سے ہر پانچویں کروم بُک رجسٹرڈ مدارس کے طلبہ کے لیے مختص ہوگی۔
خواجہ آصف نے سماجی رابطے کی ویب سائٹ ایکس پر اپنے پیغام میں کہا کہ مدارس کے طلبہ کو برسوں تک قومی دھارے سے دور رکھا گیا اور اس حوالے سے محض باتیں ہوتی رہیں، تاہم اب عملی اقدامات کیے جا رہے ہیں۔
یہ بھی پڑھیں :پی ٹی آئی کی پوری پارٹی کو باہر بیٹھے یوٹیوبروں نے ،، چ،، بنایا ہے ،خواجہ آصف
مدارس کے بچوں کو برسوں قومی دھارے سے دور رکھا گیا، صرف باتیں ہوتی رہیں۔ آج وزیراعظم شہباز شریف نے عمل کر کے دکھا دیا۔ پہلی بار اسکول کی سطح پر وزیراعظم یوتھ کروم بک اسکیم کے تحت ہر سال ڈھائی لاکھ اور دو سال میں پانچ لاکھ کروم بکس دی جائیں گی، اور ان میں سے ہر پانچویں کروم بک رجسٹرڈ مدارس کے طلبہ کی ہوگی۔ نہ سفارش، نہ پرچی، صرف میرٹ۔ پنجاب سے بلوچستان اور کشمیر سے گلگت بلتستان تک ہر صوبے کا حصہ طے ہے، اور کروم بک سیدھی بچے کے گھر پہنچے گی۔ جو صرف نعرے لگاتے رہے، وہ دیکھ لیں کہ کام کیسے ہوتا ہے۔ 🇵🇰
#PMYouthChromebookScheme
— Khawaja M. Asif (@KhawajaMAsif) October 25, 2026
