ہانیہ عامر کی بھارت میں دھوم، رکشہ ڈرائیور کا دلچسپ انداز وائرل

ہانیہ عامر کی بھارت میں دھوم، رکشہ ڈرائیور کا دلچسپ انداز وائرل

پاکستانی اداکارہ ہانیہ عامر کی مقبولیت سرحد پار بھی دکھائی دینے لگی، ایک بھارتی رکشہ ڈرائیور نے اپنے رکشے کے پچھلے حصے پر اداکارہ کی تصویر لگا لی، جس کی ویڈیو سوشل میڈیا پر تیزی سے وائرل ہو رہی ہے۔

وائرل ویڈیو میں رکشے کے پیچھے ہانیہ عامر کی تصویر واضح طور پر دیکھی جا سکتی ہے۔ اس منفرد انداز نے سوشل میڈیا صارفین کی توجہ حاصل کرلی اور لوگ دلچسپ تبصرے کرنے لگے۔

کچھ صارفین نے اسے پاکستانی فنکاروں کی بھارت میں مقبولیت کی مثال قرار دیا۔ ایک صارف نے ماضی کو یاد کرتے ہوئے کہا کہ ایک وقت تھا جب پاکستان کے بازاروں میں بھی سری دیوی، مادھوری ڈکشٹ اور ریکھا جیسی بھارتی اداکاراؤں کے پوسٹرز نظر آتے تھے۔

یہ بھی پڑھیں:پہلی محبت بھلا نہ سکیں، لیلیٰ نے شادی نہ کرنے کی وجہ بھی بتا دی

صارفین کے مطابق جس طرح پاکستانی شائقین بھارتی فنکاروں کو پسند کرتے رہے ہیں، اسی طرح اب پاکستانی فنکار بھی سرحد پار مداحوں کی توجہ حاصل کر رہے ہیں۔

ہانیہ عامر کی مقبولیت میں ڈراما ’کبھی میں کبھی تم‘ کے بعد مزید اضافہ ہوا، جس میں ان کی اداکاری کو پاکستان سمیت دیگر ممالک میں بھی پسند کیا گیا۔ اداکارہ کے مداح بھارت میں بھی مختلف مواقع پر ان کے لیے اپنی پسندیدگی کا اظہار کرتے رہتے ہیں۔

editor

Related Articles