پولیس ذرائع کے مطابق نامعلوم دہشتگردوں نے بدھ کی شب ایک ڈرون کے ذریعے بم مریان پولیس اسٹیشن کے گیٹ کے قریب گرایا۔ بم زور دار دھماکے سے پھٹ گیا، جس سے آس پاس کے علاقے میں خوف و ہراس پھیل گیا۔
بنوں میں پولیس سٹیشن پر شدت پسندوں کا حملہ، خاتون سمیت دو شہری زخمی:
تھانہ میریان پر عسکریت پسندوں نے ہلکے اور بھاری ہتھیاروں سے حملہ کیا اور فائرنگ کا تبادلہ پچاس منٹ سے زائد جاری رہا۔
پولیس کے مطابق ڈرون کیمروں کے ذریعے علاقے کی نگرانی اور عسکریت پسندوں کے پناہ گاہوں کی… pic.twitter.com/dtqtbXZd7n
حکام کے مطابق، دھماکے کے وقت پولیس اسٹیشن کے قریب موجود دو شہری زخمی ہو گئے، جنہیں فوری طور پر قریبی اسپتال منتقل کر دیا گیا، جہاں ان کی حالت خطرے سے باہر بتائی جا رہی ہے۔
واقعے کے بعد سیکیورٹی فورسز نے علاقے کو گھیرے میں لے لیا اور تحقیقات کا آغاز کر دیا گیا ہے۔ قانون نافذ کرنے والے اداروں نے ڈرون حملے کو دہشتگردی کی ایک نئی خطرناک شکل قرار دیا ہے، جو سیکیورٹی کے لیے ایک نیا چیلنج بن سکتی ہے۔ تاحال کسی گروہ نے حملے کی ذمہ داری قبول نہیں کی ہے۔
ادھر کے پی فورم کے نام سے سوشل میڈیا صارف نے ایکس پر پوسٹ کیا ہے کہ بنوں میں پولیس سٹیشن پر شدت پسندوں کا حملہ، خاتون سمیت 2 شہری زخمی ہوئے ہیں، تھانہ میریان پر عسکریت پسندوں نے ہلکے اور بھاری ہتھیاروں سے حملہ کیا اور فائرنگ کا تبادلہ پچاس منٹ سے زیادہ جاری رہا، پولیس کے مطابق ڈرون کیمروں کے ذریعے علاقے کی نگرانی اور عسکریت پسندوں کے پناہ گاہوں کی تلاش جاری ہے ۔
بنوں اور اس کے گردونواح میں ماضی میں بھی سیکیورٹی فورسز اور پولیس اہلکاروں کو نشانہ بنایا جاتا رہا ہے، تاہم ڈرون کے ذریعے پولیس اسٹیشن کو نشانہ بنانے کا یہ پہلا واقعہ ہے، جس نے سیکیورٹی اداروں کو نئی حکمت عملی پر غور کرنے پر مجبور کر دیا ہے۔
By 
