غزہ میں جنگ بندی کا نفاذ، اسرائیلی فوج کا انخلا شروع

غزہ میں جنگ بندی کا نفاذ، اسرائیلی فوج کا انخلا شروع

غزہ میں جنگ بندی کا معاہدہ پاکستانی وقت کے مطابق دو بجے نافذ ہوگیا ہے جس کے بعد اسرائیلی افواج نے بتدریج انخلا کا عمل شروع کر دیا ہے۔

مصری صدر عبدالفتاح السیسی نے اس کی تصدیق کرتے ہوئے کہا کہ دنیا آج امن کی جیت کے ایک تاریخی لمحے کی گواہ بن رہی ہے۔

مصری وزارتِ خارجہ نے اس پیش رفت کو فیصلہ کن موڑ قرار دیا ہے اور کہا ہے کہ شرم الشیخ میں ہونے والی کامیاب سفارت کاری غزہ جنگ کے خاتمے کی سمت ایک بڑی پیش رفت ہے۔

ذرائع کے مطابق حماس نے غزہ کے انتظامی امور ایک غیر جانبدار فلسطینی ٹیکنوکریٹ حکومت کے حوالے کرنے پر آمادگی ظاہر کر دی ہے۔

یہ خبربھی پڑھیں :اسرائیلی کابینہ نے غزہ جنگ بندی اور یرغمالیوں کے تبادلےکے معاہدے کی منظوری دیدی

امن معاہدے کے اعلان کے بعد غزہ اور تل ابیب میں شہری خوشی کے اظہار کے لیے سڑکوں پر نکل آئے اور جشن منایا۔

اس سے قبل اسرائیل اور حماس نے قیدیوں کی رہائی اور جنگ بندی کے پہلے مرحلے پر مصر میں معاہدے پر دستخط کیے۔

مذاکرات میں امریکی نمائندہ اسٹیو وٹکوف سابق امریکی صدر ڈونلڈ ٹرمپ کے داماد جیرڈ کُشنر اور حماس کے رہنما خلیل الحیہ شریک تھے۔

امریکی صدر ڈونلڈ ٹرمپ نے سوشل میڈیا پر اعلان کرتے ہوئے کہا کہ یہ امن معاہدہ تمام فریقوں کے لیے انصاف اور توازن پر مبنی ہوگا۔

editor

Related Articles