پاکستان ریلوے کیجانب سے موسمِ سرما کے لیے ٹرینوں کا نیا شیڈول جاری

پاکستان ریلوے نے موسمِ سرما کے لیے ٹرینوں کا نیا شیڈول جاری کردیا جس پر آج سے عمل درآمد بھی شروع کردیا گیا ہے۔

ترجمان ریلوے کے مطابق نیا ٹائم ٹیبل 16 اکتوبر سے 15 اپریل تک رہے گا، نئے شیڈول میں 9 ٹرینوں کے عارضی اسٹاپ ختم کر کے ریگولر اسٹاپ دے دیے گئے ہیں۔

یہ بھی پڑھیں : مالا کنڈ : ٹرک الٹنے سے 15 افراد جاں بحق، خواتین و بچوں سمیت 8 زخمی

علامہ اقبال ایکسپریس سیالکوٹ سے صبح 7 بجے کے بجائے ساڑھے 7 بجے روانہ ہوا کرے گی جبکہ عوام ایکسپریس کراچی سے صبح ساڑھے 7 بجے کے بجائے 8 بجے روانہ ہوا کرے گی۔

ترجمان کا بتانا ہے کہ نارووال پسنجر ٹرین صبح 7 بجے کے بجائے 7 بجکر 25 منٹ پر روانہ ہوگی اور شالیمار ایکسپریس صبح ساڑھے 7 بجے کے بجائے 7 بجکر 10 منٹ پر روانہ ہوگی۔

یہ بھی پڑھیں: وزیراعلیٰ خیبر پختونخوا نے صنم جاوید کی گرفتاری کا نوٹس لے لیا،آئی جی سے رپورٹ طلب

مسافروں کو ہدایت کی گئی ہے کہ سفر سے قبل اپنی مطلوبہ ٹرین کے نئے اوقات کار ضرور چیک کریں تاکہ کسی قسم کی پریشانی سے بچا جا سکے۔ ریلوے حکام کا کہنا ہے کہ نئے شیڈول کا مقصد سردیوں میں سفر کو مزید مؤثر اور بروقت بنانا ہے۔