دسمبر میں ایک ساتھ چار چھٹیاں

ملک بھر میں شہری رواں ماہ کے آخر میں چار روزہ تعطیلات سے مستفید ہو سکیں گے۔ 25 دسمبر بروز جمعرات ملک گیر سطح پر قائداعظم محمد علی جناح کا یوم پیدائش اور کرسمس کے موقع پر عام تعطیل ہوگی، جس کے دوران سرکاری اور نجی ادارے بند رہیں گے۔

اس کے علاوہ، 26 دسمبر بروز جمعہ پاکستان کی مسیحی برادری کے لیے خصوصی تعطیل کے طور پر مقرر کی گئی ہے، تاکہ کمیونٹی اپنی مذہبی اور روایتی سرگرمیاں بلا رکاوٹ انجام دے سکے۔ ہفتہ اور اتوار کی معمول کی چھٹیوں کے ساتھ ملا کر شہری اس مہینے کے آخر میں بیک وقت چار چھٹیوں سے لطف اندوز ہو سکیں گے۔

وفاقی حکومت نے اس سے قبل رواں سال کے آغاز میں 2025 کے لیے سالانہ تعطیلاتی کیلنڈر جاری کیا تھا، جس میں 25 دسمبر کی ملک گیر تعطیل اور 26 دسمبر کی مسیحی برادری کے لیے مخصوص چھٹی پہلے ہی طے کی گئی تھیں۔

ماہرین کے مطابق یہ چار روزہ تعطیلات شہریوں کو سفر اور تفریح کے لیے اضافی موقع فراہم کریں گی، جبکہ تعطیلاتی دنوں کے دوران کاروباری سرگرمیوں پر بھی اثر پڑ سکتا ہے۔ عوامی حلقوں نے حکومت کی اس فیصلہ کو خوش آئند قرار دیا ہے کیونکہ اس سے مختلف کمیونٹیز کو اپنے مذہبی اور ثقافتی تقریبات منانے کا موقع ملے گا۔

یہ بھی پڑھیں: چانگن گاڑی کی قیمتوں میں لاکھوں روپے کی کمی

اس طرح، دسمبر کے آخری ہفتے میں شہری نہ صرف قومی رہنما کے یوم پیدائش اور مذہبی تہوار منائیں گے بلکہ اپنی روزمرہ کی مصروفیات سے کچھ دن کی ریلیف بھی حاصل کر سکیں گے۔ یہ چار روزہ تعطیلات ملکی کیلنڈر میں اہم اضافہ کے طور پر دیکھی جا رہی ہیں۔