عمران خان سے ملاقات تک دھرنا جاری رکھنے کا اعلان، اپوزیشن اتحاد کا دوٹوک فیصلہ

اسلام آباد: پاکستان تحریک انصاف کی سربراہی میں اپوزیشن اتحاد نے بانی پی ٹی آئی عمران خان سے ملاقات تک دھرنا جاری رکھنے کا فیصلہ کر لیا ہے۔

تفصیلات کے مطابق اپوزیشن اتحاد کے رہنماؤں کا کہنا ہے کہ جب تک انہیں عمران خان سے ملاقات کی اجازت نہیں دی جاتی، احتجاجی کیمپ جاری رہے گا۔ اپوزیشن قیادت نے مؤقف اختیار کیا کہ سیاسی کارکنوں اور رہنماؤں کو ملاقات سے روکنا جمہوری اقدار کے منافی ہے۔

ذرائع کے مطابق احتجاجی شرکا نے مطالبات کی منظوری تک پرامن دھرنا جاری رکھنے کے عزم کا اظہار کیا ہے، جبکہ انتظامیہ کی جانب سے سیکیورٹی کے سخت انتظامات کیے گئے ہیں۔

سیاسی تجزیہ کاروں کے مطابق اس فیصلے سے سیاسی درجہ حرارت میں مزید اضافہ ہو سکتا ہے، جبکہ حکومت اور اپوزیشن کے درمیان کشیدگی بڑھنے کا امکان بھی ظاہر کیا جا رہا ہے۔

اپوزیشن اتحاد تحریک تحفظ آئین پاکستان نے بانی پی ٹی آئی عمران خان کو طبی سہولیات کی فراہمی اور ملاقات کی اجازت ملنے تک پارلیمنٹ ہاؤس میں دھرنا جاری رکھنے کا فیصلہ کیا ہے۔

سینیٹ میں اپوزیشن لیڈر راجہ ناصر عباس نے کہا ہے کہ جب تک ان کے کسی عہدیدار کی عمران خان سے ملاقات نہیں ہو جاتی، دھرنا ختم نہیں کیا جائے گا۔ ان کا کہنا تھا کہ یہ احتجاج بنیادی حقوق اور آئینی تقاضوں کے لیے ہے۔

قومی اسمبلی میں اپوزیشن لیڈر محمود خان اچکزئی نے بھی دھرنا جاری رکھنے کے عزم کا اعادہ کرتے ہوئے کہا کہ اپوزیشن اپنے مؤقف پر قائم ہے۔

پی ٹی آئی کے سیکرٹری جنرل سلمان اکرم راجہ نے واضح کیا کہ جب تک پارٹی کے کسی عہدیدار کو عمران خان سے ملاقات کی اجازت نہیں ملتی، احتجاج جاری رہے گا

مزید پڑھیں: بانی پی ٹی آئی کی رہائی کیلئے حکومتی سطح پر کس نے سب سے زیادہ سپورٹ کیا: علی امین گنڈا پور کا بڑا انکشاف